Павал Севярынец прыехаў на пахаванне Віктара Сырыцы

16 лістапада 2015 09:09  |  Грамадства

Павал Севярынец прыехаў на пахаванне Віктара Сырыцы

Развітацца з лідарам Баранавіцкай філіі ТБМ Віктарам Сырыцам 13 лістапада прыйшлі ягоныя сябры, вучні, калегі і вядомыя грамадскія дзеячы.

На пахаванне прыехалі старшыня руху «За свабоду», экс-кандыдат у прэзідэнты Аляксандр Мілінкевіч, грамадскі ды палітычны дзеяч, экс-кандыдат у прэзідэнты Алесь Міхалевіч, палітык і публіцыст Павел Севярынец, а таксама многія іншыя палітыкі, журналісты і ўсе, хто паважаў і цаніў Віктара Антонавіча.

Лідар баранавіцкай дэмакратычнай супольнасці, вядомы гісторык-даследчык, патрыёт Віктар Сырыца раптоўна памёр 9 лістапада ўранку. Яму было 62 гады.

Краязнаўца меў шмат публікацый у перыядычных выданнях, некаторы час працаваў намеснікам дырэктара Баранавіцкага недзяржаўнага эканоміка-юрыдычнага каледжа.

Але найбольшы ўнёсак у жыццё рэгіёну Віктар Сырыца зрабіў як старшыня Баранавіцкай Рады ТБМ, якую ўзначальваў 18 гадоў.

Пахавалі Віктара Сырыцу на могілках «Русіна».

Intex-Press

Болей навін