100 = 99,5! 66,7 = 100!

04.01.2016, 08:47  |  Блогі » Блог Таццяны Севярынец

Не верыце? Спытайце у Чалавека года Віцебшчыны, галоўнага доктара горада Станіслава Іосіфавіча Цітовіча. Яму, беднаму, прыходзіцца ўвесь час “аддувацца” за стан медыцыны ў горадзе: «На 01.12.2015 г. в учреждениях здравоохранения… работают 1089 врачей обеспеченность врачами составляет, укомплектованность - 99,5 проц.: кадровая ситуация по врачам первичного звена следующая: врачи терапевты участковые укомплектованность составляет 100 проц.- врачи общей практики укомплектованность составляет 100 проц.» ( стыль і сінтаксіс сп. Цітовіча).

У тым, што з арыфметычнымі дзействамі ў чыноўнікаў праблема, ведаем даўно: так, напрыклад, на пытанне, чаму скарочаны бюджэт на 30 адсоткаў на медыцыну, нам адказваюць, што, Божа збаў!, ніякага скарачэння не было (а па афіцыйных звестках—было!). Як следства, зноў прыпынена ўзноўленае ў 2015 годзе будаўніцтва паліклінікі на Поўдні- 7, што ў справаздачах пішыцца “будуецца”. Ну падумаеш, 100=99,5! У іх жа і 66,7 =100! Як хочуць, так і раўняюць!

На пытанне аб колькі разоў пратэрмінаваным будаўніцтве паліклінічнага комплексу ў м-не Білева, чыноўнікі разводзяць рукамі: “так атрымалася” (аўтар адказу - намеснік старшыні гарвыканкаму Падгурскі). І, дарэчы, у лісце сп. Цітовіча па Білеўскай паліклініцы ані слаўца! Прывід той славуты комплекс з іх абяцаннямі!

Прывіды мы ўсе! Хто хоча, каб медыцына ў Віцебску была якасная. Хто бегае з пытаннямі па кабінетах. Хто турбуе віцебскія ўлады сваімі электроннымі зваротамі. Хто хоча, каб іх дзеці хадзілі ў садок побач з домам. Хто хоча не хвалявацца, што дзіця даехала да школы - два апошнія жаданні - з Білева, дзе на 30000 маладога насельніцтва 2 дзіцячыя садкі, трэці распачаты і закінуты, 1 перапоўненая школа — усё прывіды! А што трэба зрабіць, каб прывіды не турбавалі? Правільна: ігнараваць, альбо прыдумаць сваю арыфметыку…

От каб і заробак гэтым чынушам стаў прывідам!

(нататкі з чарговага адказу С.І. Цітовіча ад 30.12.2015 г. на калектыўны зварот да Віцебскага гарсавету па пытаннях якасці медыцынскага абслугоўвання ад Таццяны Севярынец, каардынатара ініцыятывы “За якасную медыцыну для ўсіх”)

Навіны па тэме