“За якасную медыцыну”: у Віцебску адчынілі медыцынскі даўгабуд

28.01.2016, 21:08  |  Навіны » Грамадства

“За якасную медыцыну”: у Віцебску адчынілі медыцынскі даўгабуд
28 студзеня ў Віцебску адбылося ўрачыстае адкрыццё першага корпусу абласной інфекцыйнай бальніцы пасля 15-гадовага рамонту. Падзея пачалася а 9-й ранку, але сабрала ўсё абласное і гарадское чынавенства, працаўнікоў установы, журналістаў. Падчас імпрэзы губернатар Віцебскай вобласці Шарснёў між іншым адзначыў, што ўсё, што робяць дзяржаўныя мужы - для простых жыхароў Віцебска і вобласці, а жыхары, галоўнае, павінны быць заўсёды здаровымі і жыццярадаснымі.

Тут быў і першы намеснік міністра аховы здароўя Дзмітрый Піневіч.

“Гэта сапраўды вельмі добрая падзея для жыхароў Віцебшчыны, якую чакалі доўгі час”, - адзначыла каардынатар аргкамітэту БХД Таццяна Севярынец.

Сябры Віцебскага аргкамітэту БХД, ініцыятары кампаніі "За якасную медыцыну ў Віцебску" маюць да падзеі непасрэднае дачыненне. Толькі за сканчэнне даўгабудаў і шматгадовых рамонтаў было сабрана больш за 1500 подпісаў, былі шматлікія звароты, паходы па кабінетах чыноўнікаў. Хада рамонту першага корпусу абласной інфекцыйнай бальніцы адсочвалася і асвятлялася ў СМІ.

“На чарзе другі корпус, які моцна прайграе ў параўнанні з адрамантаваным. Працы нам хопіць!” – дадала Таццяна Севярынец.

Навіны па тэме