Павел Севярынец узяў удзел у прадпрымальніцкім мітынгу

15.02.2016, 15:07  |  Навіны » Палітыка

Павел Севярынец узяў удзел у прадпрымальніцкім мітынгу
Сустаршыня БХД узяў удзел у акцыі пратэсту прадпрымальнікаў, якая прайшла 15 лютага на Кастрычніцкай плошчы ў Менску.

На Кастрычніцкую плошчу выйшлі больш за 1000 чалавек і заявілі рашучы пратэст палітыкі беларускіх уладаў. Наступная акцыя пратэсту прадпрымальнікаў адбудзецца 22 лютага ў 12:00 на тым жа месцы.

Індывідуальныя прадпрымальнікі вось ужо амаль два месяцы адмаўляюцца прыступаць да працы ў знак пратэсту супраць указу Лукашэнкі №222.

- Мы салідарныя з прадпрымальнікамі, якіх сённяшні урад і Лукашэнка спрабуюць зрабіць беспрацоўнымі, - паведаміў Павел Севярынец прэс-службе БХД, - Сёння прадпрымальнікі, заўтра - студэнты, паслязаўтра - рабочыя. Больш за тое, мы прапанавалі партыям і грамадзкім арганізацыям сваю дапамогу і пляцоўку для каардынацыі дзеянняў у справе абароны ІП - Камітэт Выратавання Прадпрымальніцтва. 25 лютага а 14.00 у Менску на Чарнышэўскага 3а запрашаем усіх неабыякавых.

Навіны па тэме