У Магілёве МХД дамагліся вырашэння пытання небяспечнага пешаходнага пераходу

19 красавіка 2016 09:50  |  Грамадства

У Магілёве МХД дамагліся вырашэння пытання небяспечнага пешаходнага пераходу

Актывісты Маладых хрысціянскіх дэмакратаў Магілёва атрымалі адказ з ДАІ на калектыўны зварот, пад якім яны збіралі подпісы гараджан, за вырашэнне праблемы небяспечнага пешаходнага пераходу каля Беларуска-Расійскага ўніверсітэта.

Пешаходны пераход на тратуарнай яго часткі быў цалкам закрыты аўтамабілямі, мінакам прыходзілася ў чаканні зялёнага сігналу святлафора стаяць амаль на праезнай часткі, што стварала небяспеку для жыцця і здароўя грамадзян.

“Быў атрыманы адказ аб тым, што праведзеныя неабходныя мерапрыемствы, парушальнікі пакараныя. На дадзены момант, сапраўды, тратуарная частка пешаходнага пераходу вольная ад аўтамабіляў”, – паведаміў прэс-службе БХД лідар МХД Магілёва Андрэй Бодзілеў.

Таксама сабраныя подпісы пад зваротам да ўладаў горада ўсталяваць загароды, якія перашкаджаюць паркоўцы аўтамабіляў, каб у далейшым такія прэцэдэнты на гэтым пешаходным пераходзе не ўзнікалі.

Болей навін