БХД патрабуе дэталёвага расследвання жудаснага забойства Паўла Шарамета

20.07.2016, 13:34  |  Галоўныя навіны, Палітыка

БХД патрабуе дэталёвага расследвання жудаснага забойства Паўла Шарамета
У сераду 20 ліпеня ў Кіеве загінуў вядомы беларускі журналіст, заснавальнік "Беларускага Партызана" Павел Шарамет.

Павел Шарамет нарадзіўся ў Менску ў 1971 годзе.

У пачатку 1990-х стаў вядучым папулярнай беларускай грамадска-палітычнай праграмы "Праспект", дзе абараняў дэмакратычныя каштоўнасці. У 1997 годзе быў арыштаваны спецслужбамі Лукашэнкі і вызнаны палітвязнем.

Нейкі час працаваў на высокіх пасадах на расейскай тэлевізіі, але быў звольнены з ОРТ "за русафобію".

Заснаваў партал "Беларускі Партызан".

Апошнія гады працаваў ва Ўкраіне, у выданні "Українська правда" і "Радіо Весті".

Машына, у якой Павел выехаў на працу, узарвалася ў цэнтры Кіева.

Беларуская Хрысціянская Дэмакратыя выказвае спачуванне сям'і, родным і сябрам Паўла Шарамета - і патрабуе дэталёвага расследвання гэтага жудаснага забойства.

Супакой, Госпадзе, ягоную душу.

Вечная памяць.

Навіны па тэме