У Магілёве прайшоў пікет Правацэнтрысцкай кааліцыі (фота)
У Магілёве 22 ліпеня прайшоў сумесны пікет прадстаўнікоў Правацэнтрысцкай кааліцыі, у якім прынялі ўдзел прадстаўнікі Беларускай хрысціянскай дэмакратыі, Маладых хрысціянскіх дэмакратаў і Аб’яднанай грамадзянскай партыі.
Жыхары горада маглі пагаварыць з кожным з удзельнікаў пікету аб праблемах, задаць пытанні, выказацца аб набалелым.
«Галоўнае – людзі ў чарговы раз убачылі што ёсць альтэрнатыва, ёсць тыя, хто жадае і здольны працаваць ва ўсіх сферах для паляпшэння ўзроўню жыцця ў нашай краіне. Убачылі, што, нягледзячы на розныя погляды і прапановы, можна знайсці агульнае, можна аб’ядноўвацца. Адчуванне таго, што мы разам, надае сіл. Толькі салідарнасць можа змяніць сістэму”, – заявіў каардынатар МХД у Магілёве Андрэй Бодзілеў.
“Учора ў Магілёве прайшла акцыя салідарнасці. Сапраўдная дружба гартуюцца ў сумесных акцыях паміж структурамі Правацэнтрысцкай кааліцыі”, – адзначыў лідар БХД Магілёва Алег Аксёнаў.
