БХД адзначыла 125 гадоў Адама Станкевіча (фота)

07.01.2017, 20:11  |  Галоўныя навіны, Палітыка

БХД адзначыла 125 гадоў Адама Станкевіча (фота)
Беларускія хрысціянскія дэмакраты адзначылі 125-ую гадавіну кіраўніка БХД, пісьменніка і грамадскага дзеяча ксяндза Адама Станкевіча.

На радзіме Станкевіча ў Арлянятах (Смаргонскі раён) хадэкі ўсклалі кветкі да сімвалічнага помніка - месца пахавання ксяндза Адама ў сібірскім лагеры дагэтуль дакладна невядомае.

У Менску прайшла вечарына, прысвечаная памяці Адама Станкевіча. Сустаршыня БХД Павел Севярынец распавёў пра яго жыццёвы шлях, гісторык Алесь Пашкевіч расказаў пра працу над зборам твораў ксяндза Адама, Алесь Жлутка з Інстытуту гісторыі Акадэміі навук падзяліўся успамінамі пра тых, хто яго ведаў, а Святлана Манько-Раткевіч згадала пра паплечнікаў Станкевіча.

Адбылася віктарына, прысвечаная Адаму Станкевічу. Таксама ўдзельнікі вечарыны абмеркавалі збор подпісаў за перайменаванне праспекта Дзяржынскага ў праспект Адама Станкевіча. Напрыканцы сустрэчы хадэкі спявалі калядку і частавался пірагом з гарбатай.

125-годдзе Адама Станкевіча адзначылі таксама ў Слоніме, Лідзе і Вільні.

БХД адзначыла 125 гадоў Адама Станкевіча (фота)
БХД адзначыла 125 гадоў Адама Станкевіча (фота)
БХД адзначыла 125 гадоў Адама Станкевіча (фота)
БХД адзначыла 125 гадоў Адама Станкевіча (фота)
БХД адзначыла 125 гадоў Адама Станкевіча (фота)

Навіны па тэме