Сустрэчы з Паўлам Севярынцам прайшлі ў Рагачове, Жлобіне, Гомелі, Рэчыцы, Мазыры, Светлагорску (фота)
У суботу-нядзелю 16-17 снежня ў гарадах Гомельшчыны прайшлі сустрэчы з сустаршынём Беларускай Хрысціянскай Дэмакратыі Паўлам Севярынцам. На сустрэчах, прысвечаных 100-годдзю БХД, адбываліся прэзентацыі кнігаў, у тым ліку “Сто асобаў беларускай хрысціянскай дэмакратыі”, факсіміле “Крыніцы” і рамана “Беларусалім”.
У Гомелі ў поўнай залі па вуліцы Палескай 52 анлайн-трансляцыю сустрэчы вялі блогер Максім Філіповіч і каманда “Ротарная жатка”. У Мазыры каля дваццаці актывістаў дэмакратычных партыяў і арганізацыяў вялі гарачую дыскусію пра грамадска-палітычнае становішча ў Беларусі.
Разам з Паўлам Севярынцам у сустрэчах удзельнічалі дырэктар інтэрнэт-крамы “Імбрык.бай” Алесь Мазанік і сябра Нацыянальнай рады БХД Сяргей Чарнавокі.
