Таццяна Севярынец. Як гараджанам можа адкрыцца вёска?

26 снежня 2017 16:14  |  Блог Таццяны Севярынец

Таццяна Севярынец. Як гараджанам можа адкрыцца вёска?

 

Як нам, гарадскім жыхарам, абцяжараным палітычнымі клопатамі, можа адкрыцца вёска? Напрыклад, аграгарадок (па-сучаснаму) Заронава, які ўваходзіць у раённую акругу, дзе вылучаецца ў дэпутаты Віцебскага раённага Савета Алена Янушкоўская. Расцягнулася ўздоўж шашы, як і большасць беларускіх вёсак, дзе-нідзе куляецца паміж узгоркаў, хаваецца ў зарасніках заснежанага бэзу.

Але на вочы лезе паўсюдная сучасная разбэшчаная разруха. Каля крамы – закінуты будынак колішняй сталоўкі, за ім урачыста выступае замкнутая чамусьці шпакоўня прыбіральні, нейкія гаспадарчыя пабудовы, па праўдзе, іх рэшткі, ашчэрыліся на вуліцу.

Мінак, што спяшаецца у крамку за чакушкай – дагнацца (прызнаўся), распавядае пра калгас, які распачаў працэдуру банкруцтва, як ён квітнеў, а вось зараз канае, як закрылі школку, бо моладзь з’язджае, яшчэ трымаецца дзіцячы садок. Яго нават не цікавіць, чаго гэта мы яго спынілі і распытваем. У голасе абыякавасць. Перабалела.

Вось ліха падкаціў мясцовы Пятруха на адным з трох трактароў, якія засталіся ў гаспадарцы. Таксама па дазапраўку… А нам на кожным кроку і цікава, і балюча. Калісьці Заронава квітнела. Непадалёку ад вёскі, ды ё!, аграгарадка шыкоўны яблыневы сад, з-за снегу незразумела, ці жывы, але на галінках ні яблычка якога ссохлага, ні лісціка…

Вуліца Маладзёвая з двухпавярховых дамкоў. Ідзем размаўляць з жыхарамі ды прасіць падтрымкі Алене. З вяскоўцамі трэба ўмець размаўляць. Людзі сабе на розуме. Пра дэпутатаў агульнае меркаванне: марныя людзі. Распавядаем пра нашу альтэрнатыву.

 

І – адкрыццё чалавека! 90-гадовая Марыя Паўлаўна Бараноўская. Ветліва запрашае, падпісвае без пытанняў – ну трэба чалавеку! Кім працавала? Ды ўсім. Пасля вайны тут усё разбіта было… Пасля вайны – гэта зразумела. А што зараз? Створаны вертыкалі, усё мадэрнізуецца, аптымізуецца, а сэнсу няма. Да вёскі нікому няма справы, такое адчуванне, што б там па целеку ні сіпеў наш правадыр. Вось прапануем мы падтрымаць Алену Янушкоўскую, чалавека з гарачым сэрцам. А ці пераломім глухую сцяну абыякавасці і недаверу людзей, самаўпэўненасці і абыякавасці чыноўнікаў. З першага ж заходу за 2 гадзіны падтрымку ў 41 адзін подпіс атрымалі.

 

Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?
Таццяна Севярынец. Як гараджанам можа адкрыцца вёска?

 

Болей навін