У Маладзечне прайшлі пікеты ў падтрымку Рамана Ганчарова і беларускай мовы (фота, відэа)
Кандыдат у дэпутаты Менскага аблсавета Раман Ганчароў правёў шэраг агітацыйны пікетаў на сваёй выбарчай акрузе ў Маладзечне. Акцыя адбываліся на пляцоўцы перад самым буйным гіпермаркетам у Маладзечна “Еўраопт” і каля “Алмі”.
“Уражанні ад пікетаў вельмі станоўчыя. Уражвае тое што людзі вельмі цікавяцца, падыходзяць, бяруць улёткі, робяць сэлфі ,фатаграфуюць, дзякуюць. Пасля пікетаў хочацца працаваць, хочацца дапамагчы людзям у вырашэнні мясцовых праблем”, – адзначыў актывіст.
Раман Ганчароў занепакоены станам беларускай мовы ў Маладзечна. Сярод прапаноў Рамана Ганчарова – павелічэнне беларускамоўных групаў і класаў у дзіцячых садках, і школах. Каб бацькі пры пастаноўцы дзяцей мелі права ў анкете абіраць мову навучання. Кампанія “За беларускую мову” ў Маладзечне ўжо атрымала падтрымку болей за 500 выбарцаў, якія паставілі подпісы пад прапановамі хрысціянскіх дэмакратаў.
На пікеце Раман Ганчароў распавядаў жыхарам Маладзечна пра прапановы рэформаў ад Беларускай Хрысціянскай Дэмакратыі, збіраў подпісы ў падтрымку беларускай мовы.
