У Маладзечне прайшоў пікет за пенсійную рэформу (фота)
Прамоўца Беларускай хрысціянскай дэмакратыі Раман Ганчароў, які з’яўляецца кандыдатам у дэпутаты Мінскага абласнога савета дэпутатаў, правёў у Маладзечне агітацыйны пікет за пенсійную рэформу.
“Кожны мае права на справядлівыя і годныя пенсіі. Замест мер, якія павінны вырашаць асноўныя праблемы – нізкі ўзровень пенсій, непразрыстасць сістэмы, манаполія дзяржавы, мы бачым падпісанне ўказаў, нормы якіх скарачаюць сацыяльныя гарантыі ў пенсійнай сферы і вядуць да краху «размеркавальнай» сістэмы”, – адзначыў актывіст.
