У Маладзечне пачаўся збор подпісаў у падтрымку бел-чырвона-белага сцяга
У Маладзечне пачаўся збор подпісаў у падтрымку законапраекта, перададзенага ў Палату прадстаўнікоў беларускімі хрысціянскімі дэмакратамі разам з дэпутатамі Ганнай Канапацкай і Аленай Анісім, за наданне статусу першай дзяржаўнай сімволікі бел-чырвона-беламу сцягу і гербу «Пагоня».
Подпісы збіраюцца кожны дзень на вулiцы Прытыцкай прыблiзна з 16:00 да 18:00, адзначыў каардынатар БХД па Менскай вобласці Раман Ганчароў.
“Пад бел-чырвона-белым сцягам Беларусь двойчы абвяшчала сваю незалежнасць. Пад ім выступалі беларускія алімпійцы і прыносіў прысягу першы прэзідэнт. Таму гэты сцяг проста павінен займець афіцыйны статус. Далучайцеся! Тэлефон для даведак +375297035322”, – заявіў каардынатар.
