УВАГА ФЭЙК! У сацыяльных сетках з’яўляюцца фэйкавыя старонкі актывістаў БХД з крытыкай партыі
У сацыяльных сетках планамерна пачалі з’яўляцца фэйкавыя старонкі вядомых актывістаў Беларускай хрысціянскай дэмакратыі з крытыкай як самой БХД, гэтак і асобных прадстаўнікоў яе кіраўніцтва.
Гэтак, пра фэйкавую старонку паведаміў каардынатар хрысціянскіх дэмакратаў у Магілёве Алег Аксёнаў. Раней падобная старонка з’яўлялася і ад імя віцебскай актывісткі Алены Шабуні.
Мы расцэньваем гэта як прызнанне паспяховасці дзейнасці БХД з боку спецслужбаў, бо ні рэпрэсіямі, ні адсутнасцю рэгістрацыі, ні іншымі перашкодамі ў іх не атрымліваецца ні спыніць дзейнасці хрысціянскіх дэмакратаў, ні хаця б унесці раскол.
Мы таксама заклікаем іншых актывістаў, якія будуць сутыкацца з падобнымі фэйкавымі старонкамі, адразу скардзіцца на іх у адміністрацыю сацыяльных сетак, а ўсіх іншых – пераправяраць інфармацыю, якую яны бачаць.
