Сёння – дзень народзінаў ксяндза Адама Станкевіча
Сёння – дзень народзінаў ксяндза Адама Станкевіча, выбітнага святара, пісьменніка, рэдактара газеты “Крыніца”, заснавальніка Беларускай Хрысціянскай Дэмакратыі.
Служыў адразу ў некалькіх віленскіх касцёлах. Напісаў два дзясяткі кнігаў, сярод якіх класічныя “Родныя мова ў святынях” і “Хрысціянства і беларускі народ: спроба сынтэзы”. Збіраў тысячы людзей у храмах на казані па-беларуску. У 1941 годзе ўратаваў ад смерці нават сваіх ворагаў – савецкіх прапагандыстаў (хаваў у касцёле ад немцаў).
Як жа аддзячыла савецкая ўлада ксяндзу? Допытамі, арыштамі, спробамі вярбоўкі – і 25-ю гадамі лагераў.
Мы памятаем, ксёндз Адам.
Прыйдзе час – і праспект Дзяржынскага ў Менску будзе насіць імя Адама Станкевіча.
Жыве Беларусь – з Богам!
