Жанчыны ў Беларусі. Факты і лічбы

08.03.2010, 11:41  |  Навіны, БХД

Колькасьць жанчынаў у Беларусі – 5,063 мільёны чалавек, або 53,4% ад агульнай колькасьці насельніцтва.

 

У гарадах і гарадзкіх паселішчах пражывае 74,7% жанчынаў і 25,3% - у сельскіх населеных пунктах.

 

На 1000 мужчын у рэспубліцы прыходзіцца 1146 жанчынаў.

 

Найбольшая дыспрапорцыя назіраецца ў сталым узросьце. Колькасьць жанчынаў ва ўзросьце 60-69 гадоў на 1000 мужчын складае ў гарадзкіх паселішчах 1491 чалавек, у сельскай мясцовасьці - 1509 чалавек. А ва ўзросьце 70 гадоў і старэй колькасьць жанчынаў перавышае колькасьць мужчын у гарадзкой мясцовасьці ў 2,3 разы, у сельскай – у 2,4 разы.

 

У 2000 годзе ўпершыню браліся шлюбам жанчыны ва ўзросьце 22,8 г., мужчыны - 25 г. У 2009 годзе гэты паказчык для жанчынаў склаў 24,2 г., для мужчынаў - 26,4 г..

 

Сярэдні ўзрост маці пры нараджэньні першага дзіцяці павялічыўся з 23,3 г. у 2000 годзе да 24,6 г. у 2009 годзе. У тым ліку ў гарадзкіх жанчынаў - з 23,6 да 25 гадоў, у сельскіх - з 22,2 да 23,1 года.

 

У 2009 годзе 80% дзяцей нарадзілася ў жанчынаў, якія знаходзяцца ў зарэгістраваным шлюбе, і 20% у жанчын, якія не знаходзяцца ў зарэгістраваным шлюбе. У 2005 годзе доля дзяцей, народжаных па-за шлюбам, складала 24,2%.

 

На пачатак 2009-10 навучальнага году колькасьць навучэнцаў жанчынаў склала 879 тысячаў - 51,1% ад агульнай колькасьці навучэнцаў.

 

У школах на пачатак 2009-10 навучальнага года навучалася 1,7 мільёны дзяцей, сярод іх - 49,2% дзяўчынак.

 

У прафэсійна-тэхнічных навучальных установах дзяўчаты складалі 32,9% навучэнцаў.

 

Доля дзяўчатаў сярод навучэнцаў сярэдніх спэцыяльных навучальных устаноў была больш за палову (53,8%).

 

У ВНУ дзяўчаты складаюць 59% студэнтаў.

 

У 2009 годзе ў асьпірантуры навучалася 2671 жанчына (58,4% ад агульнай колькасьці), у дактарантуры - 46 (41,8%).

 

Адукацыйны ровень жанчынаў вышэйшы, чым у мужчынаў.

 

Сярод працуючых жанчын 54,6% маюць вышэйшую і сярэднюю спэцыяльную адукацыю, сярод мужчын - 37,1%.

 

У агульнай колькасьці працоўных пераважаюць мужчыны (56,3%), у агульнай колькасьці служачых - жанчыны (68,1%).

 

Сярод дзяржаўных служачых усіх узроўняў кіраваньня 67,4% складаюць жанчыны. Яны, збольшага, займаюць пасады галоўных, вядучых і іншых спэцыялістаў.

 

Сярод кіраўнікоў (першых асоб) рэспубліканскіх органаў дзяржаўнага кіраваньня і іх намесьнікаў жанчын 19,6%.

 

Дадзеныя Нацыянальнага статыстычнага камітэту.

Навіны па тэме