Рымашэўскі: "Еўропа і Расея не павінны вырашаць лёс Беларусі без беларусаў"

20.01.2011, 18:00  |  Галоўныя навіны, БХД

Сустаршыня БХД, экс-кандыдат ў прэзідэнты Віталь Рымашэўскі вітае рэзалюцыю Еўрапарламента па Беларусі, прынятую сёння на сесіі  ў Страсбургу. "Рады, што пазіцыя Еўропы цвёрдая і прынцыповая. Калі б яна была такой жа цвёрдай да 19 снежня, магчыма ўдалося пазбегнуць такой жорсткай рэакцыі з боку ўлады на мірныя пратэсты апазіцы супраць фальсіфікацыі выбараў. Тым не менш, я вітаю гэтую рэзалюцыю, бо лепей позна чым ніколі", - заявіў Рымашэўскі з гэтай нагоды ў інтэрв'ю прэс-службе БХД.

 

Таксама адносна прынятай сёння рэзалюцыі Рымашэўскі зазначыў наступнае:

 

"Я лічу вельмі слушным у 17 пункце гэтай рэзалюцыі адлюстраванне расейскага фактару, таго, што Расея фактычна прызнала гэтыя выбары і сваім маўчаннем ухваліла рэпрэсіі ў Беларусі. Трэба вельмі ўважліва сачыць, каб тая сітуацыя, якая склалася зараз у Беларусі, не была б выкарыстаная Расеяй для пазбаўлення Беларусі незалежнасці.

 

Вядома, важна распачынаць дыялог з Расеяй, але будзе вельмі небяспечна, калі Еўропа з Расеяй пачнуць вырашаць лёс Беларусі без саміх беларусаў, без уліку думкі беларускага народу. Таму я заклікаю Еўразвяз і ўсе дэмакратычныя краіны разглядаць пытанні Беларусі з удзелам прадстаўнікаў беларускай дэмакратычнай супольнасці, найперш з улікам думкі тых лідэраў, якія церпяць зараз уціск і рэпрэсіі ўнутры Беларусі."

 

Нагадаем, сёння на сваёй сесіі ў Страсбургу Еўрапарламент аднагалосна прыняў рэзалюцыю па Беларусі, самую жорсткую з усіх рэзалюцыяў, якія Еўразвяз калі-небудзь прымаў адносна Беларусі.

У прыватнасці, Еўрапарламент заклікае неадкладна ўвесці візавыя санкцыі ў дачыненні да кіраўніцтва Беларусі, да ўсіх дзяржорганаў, якія маюць дачыненне да фальсіфікацыяў вынікаў выбараў і рэпрэсіяў, а таксама замарозіць іх рахункі ў краінах Еўразвяза. Гэтыя санкцыі павінны  дзейнічаць да поўнага вызвалення і апраўдання ўсіх палітвязняў у Беларусі. Рэзалюцыя прапануе таксама разгледзець магчымасць эканамічных санкцыяў у дачыненні да беларускага ўрада і заклікае да правядзення новых выбараў у Беларусі.

Навіны па тэме

Фото юзера DEENOOM
DEENOOM 20.01.2011
Считаю, что В.Рымашевский, самый культурный, правдивый и человечный Человек. С Большой Буквы. Много читал про его "вызваленне" из кгб, типа что-то подписал... Не верю. Человек с Христом не сподобен обману. Это молодой и адекватный политик. ...---------- Не знаю, как все, но я лично всеми правдами и неправдами доживу до суда над Лукашенко. Пусть простит его Господь и успокоит его чёрную сущность, сущность - потому как души у него нет.
Фото юзера сам
сам 21.01.2011
Скоро Лукаша засудят И на нарах Лукаш будет,
Будут с ним на нарах тоже Все дружки его похоже.
И за весь их беспредел, Много будет громких дел,
Запиши всех имена, Слышишь зов - моя страна!!!
Фото юзера Olga
Olga 24.01.2011
Верю и надеюсь, что скоро Виталий станет Президентом независимой и процветающей Беларуси!