На Віцебшчыне затрымалі двух сябраў БХД
На Віцебшчыне 13 ліпеня падчас разгону акцыі маўклівага пратэсту былі затрыманыя два сябры аргкамітэту па стварэнні партыі “Беларуская Хрысціянская Дэмакратыя”. Пра гэта паведаміла абласная каардынатарка аргкамітэту Тацяна Севярынец.
У прыватнасці, у Віцебску была затрыманая Наста Сотнікава. Яе завезлі ў міліцэйскі пастарунак, дзе з ёй правялі прафілактычную гутарку пра магчымыя наступствы яе ўдзелу ў акцыях пратэсту. Пасля гэтага яе адпусцілі.
Пакуль нічога невядома пра лёс затрыманага кіраўніка Новаполацкай арганізацыі аргкамітэту БХД Алега Крайко.
Разам з тым на 14 чэрвеня на 14:00 атрымаў позву каардынатар аргкамітэту БХД з Глыбокага Зміцер Лупач, якога затрымалі падчас папярэдняй акцыі маўклівага пратэсту 6 ліпеня.
