Лідэры і сябры БХД ўзялі ўдзел ва ўшанаванні памяці змагароў за незалежнасць Беларусі (Фота)
25 жніўня, у 20-ю гадавіну надання дэкларацыі аб незалежнасці Беларусі сілы канстытуцыйнага закону, лідэры і актывісты БХД на Маскоўскіх могілках сталіцы ўзялі ўдзел ва ўшанаванні памяці людзей, якім, па словах сустаршыні аргкамітэту БХД Віталя Рымашэўскага, “мы абавязаны незалежнасцю і існаваннем нашай дзяржавы ўвогуле”.
У прыватнасці, сябры БХД, а таксама кіраўнікі шэрагу іншых партый і арганізацый ўсклалі кветкі да магілаў Васіля Быкава, Уладзіміра Караткевіча, Ігара Гермянчука, Генадзя Карпенкі і іншых.
“Ушаноўваць памяць герояў, безумоўна, важна. Але мы не павінны забывацца на словы Хрыста, які казаў фарысеям, што яны ставяць помнікі прарокам, а самі з’яўляюцца нашчадкамі тых, хто іх забіваў. Мы павінны памятаць гэтых людзей, кім яны былі, як жылі і за што змагаліся”, – адзначыў Віталь Рымашэўскі.
