Актывісты БХД наведалі стрыечную бабулю Васьковіча

07 сакавіка 2012 11:15  |  БХД

Актывісты аргкамітэту па стварэнні Партыі “Беларуская Хрысціянская Дэмакратыя” наведалі стрыечную бабулю палітвязня Яўгена Васьковіча Галіну Іванаўну Усаву. 

 

Як паведаміла магілёўская абласная каардынатарка БХД Таісія Кабанчук, у сваім лісце Яўген напісаў, што ягоная стрыечная бабуля жыве зусім адна, а нядаўна яшчэ перанесла аперацыю.

 

Сябры БХД перадалі ёй падарункі, аказалі дапамогу. “Вось такі вось Яўген. Сам сядзіць у турме, а клапоціцца пра тых, хто застаўся на волі”, – адзначыла Таісія Кабанчук.

Болей навін