Чарговая хваля вандалізму ў Мазыры: апаганеныя адразу два храмы (фота)
Шакуючае здарэнне: у Мазыры вандалы апаганілі царкву Святога Сергія Раданежскага. Зламыснікі пазьдзекваліся з праваслаўных каштоўнасцяў у ноч на 26 чэрвеня. Пракраўшыся ў храм праз акно, невядомыя ўчынілі сапраўдны пагром: пашкодзілі іконы, крыжы і іншую царкоўнае начынне …
Сляды злачынствы прыхаджане выявілі раніцай. Па факце Мазырскі раённы аддзел Следчага камітэта РБ узбудзіў крымінальную справу па артыкуле 341 «Апаганьваньне будынкаў і псаванне маёмасці».
Гэтай жа ноччу, як высветлілася, вандалы пагаспадарылі і на тэрыторыі Свята-Міхайлаўскага кафедральнага сабора. Цэглай яны пабілі акно і пакінулі сатанінскія знакі і надпісы …
“Праваслаўных Гомельшчыны засмучае, што знаходзяцца “адважныя”, якія маюць смеласць сваімі дзеяннямі таптаць працу многіх людзей па аднаўленні духоўнасці і маральнасці ў горадзе, раёне, вобласці. Вернікі перакананыя, што пакаранне за учыненае – непазбежна, бо апостал Павел у лісце да Галатаў кажа: “Ня крывеце душою: Бог паганьбёны ня бывае. Што пасее чалавек, тое і сажне”, – распавёў tomin.by кіраўнік інфармацыйнага аддзела Гомельскай епархіі протаіерэй Алег Кастрама.
На царкву Святога Сергія Раданежскага вандалы замахваюцца не ўпершыню. У сакавіку гэтага года сцены храма размалявалі перавернутымі крыжамі і “распісалі” богазьняважлівымі надпісамі. Падазраванага ў злачынстве затрымалі ў траўні. Васемнаццацігадовых хлопец, зрэшты, спісаў усё на кепскае ўздзеянне алкаголю, адмаўляючы якія-небудзь антыхрысціянскія матывы.
Апаганьваньне храмаў у Мазыры лічыцца ці ледзь не самай галоўнай сумнай традыцыяй сталіцы Палесся. Спачатку мясцовыя сатаністы пакідалі “лічбы д’ябла” і сатанінскія крыжы.
А ў 2006 годзе яны ад “бяскрыўдных” пентаграмы і лічбаў перайшлі да больш радыкальных захадаў. Спачатку спалілі царкву Святога Георгія Пераможцы, а праз тры месяцы спрабавалі зладзіць пажар у мясцовым касцёле. Але іх затрымалі. На лаве падсудных тады апынуліся трое мясцовых хлопцаў і дзяўчына. Выразна растлумачыць, навошта яны апаганьвалі і падпальвалі храмы, яны не змаглі. Суд вынес суровыя прысуды: двое атрымалі па 7 гадоў, яшчэ двое – па 7,5 гадоў турмы.
