Дзяніса Садоўскага ізалявалі ў ізалятары
Адказнага сакратара аргкамітэту па стварэнні Партыі “Беларуская Хрысціянская Дэмакратыя” Дзяніса Садоўскага на Акрэсціна перавялі ў іншую камеру, з якой ён не можа бачыць і чуць, што адбываецца на вуліцы, хто прыходзіць яго падтрымаць і прынесьці яму перадачы.
Пра гэта паведамілі былыя сукамернікі Дзяніса Садоўскага.
Разам з тым, як паведаміў сустаршыня БХД Віталь Рымашэўскі, перадачу для Дзяніса Садоўскага 3 верасня ўзяць пагадзіліся.
Нагадаем, што адказны сакратар БХД Дзяніс Садоўскі быў асуджаны 28 жніўня на 10 сутак адміністратыўнага арышту быццам бы па абвінавачванні ў дробным хуліганстве (арт.17.1 КаАП РБ). У гэты дзень ён павінен быў везьці наклад партыйнага бюлетэня “Крыніца” з інфармацыяй пра байкот выбараў, які быў падрыхтаваны адмыслова для Нацыянальнай Рады БХД. Што насамрэч з’явілася падставай для яго арышту, дагэтуль невядома. 2 верасня яму адмовілі ў перадачах.
