У Магілёве прайшло шэсце да Дня Волі
У Магілёве 25 сакавіка адбылося шэсце, прымеркаванае да 95-й гадавіны абвяшчэння незалежнасці Беларускай Народнай Рэспублікі. Шэсце прайшло да будынку былой Марыінскай гімназіі, дзе ў 1918 годзе была падпісана дэкларацыя аб далучэнні да БНР.
У акцыі ўзялі ўдзел прадстаўнікі Беларускай Хрысціянскай Дэмакратыі, Партыі БНФ, Аб’яднанай грамадзянскай партыі і Ліберальна-дэмакратычнай партыі. Агулам каля 30 чалавек, паведаміў магілёўскі каардынатар аргкамітэту БХД Алег Аксёнаў.
Хаця акцыя дазволена не была, міліцыянты яе правядзенню не перашкаджалі, а толькі суправаджалі.
Зараз у Магілёве праходзіць святочная вечарына, падчас якой адбудзецца віктарына па гісторыі БНР.
