У Свіслачы ў сераду пройдзе сход супраць ліквідацыі сельсавету

05.11.2013, 09:35  |  Галоўныя навіны, Рада Народных Дэпутатаў, Палітыка, Грамадства

У Свіслачы (Асіповіцкі раён) у сераду, 6 лістапада, пройдзе сход мясцовых жыхароў супраць ліквідацыі Свіслацкага сельсавету. Пра гэта паведаміла каардынатарка аргкамітэту па стварэнні партыі "Беларуская Хрысціянская Дэмакратыя" Ніна Сакава. Пачатак сходу а 15-й гадзіне.

 

На сход запрошаныя прадстаўнікі раённых уладаў, кіраўніцтва сельсавету і гэтак далей. Запрашаем журналістаў!

 

Нагадаем, у Асіповіцкім раёне мясцовыя жыхары пратэстуюць супраць магчымай ліквідацыі Свіслацкага сельсавету і далучэння яго тэрыторый да Ліпеньскага і Ясеньскага сельсавету. Адпаведная прапанова асіповіцкіх уладаў была надрукаваная ў газеце "Асіповіцкі край" за 11 кастрычніка.

 

Супраць такога рашэння ужо падпісаліся 330 чалавек з самой Свіслачы і суседніх вёсак, паведаміла каардынатарка аргкамітэту па стварэнні Партыі "Беларуская Хрысціянская Дэмакратыя" Ніна Сакава.

Навіны па тэме