Георгі Дзмітрук: у Беларусі падаўлена прадпрымальніцкая ініцыятыва (фота)

10.12.2013, 11:27  |  Галоўныя навіны, Грамадства, Эканоміка

У Менску адбылася штогадовая канферэнцыя РГА "Хрысціянская дзелавая ініцыятыва" на тэму "Дыялог – формула ўзаемаразумення". Удзел у ёй узялі Тыла Штайнбрынк, каардынатар "Еўрапартнёры" (Германія), Уладзімір Карагін, старшыня ГА "Менскі сталічны саюз прадпрымальнікаў і працадаўцаў", Дзмітрый Бурлака, рэктар Расійскай Хрысціянскай Гуманітарнай Акадэміі (Санкт - Пецярбург, РФ), Дзмітрый Лазута, галоўны рэдактар «Христианская культура» і іншыя.
 
Як адзначыў старшыня ХДІ, сустаршыня аргкамітэту па стварэнні партыі "Беларуская Хрысціянская Дэмакратыя" Георгі Дзмітрук, канферэнцыя прайшла паспяхова. Падчас абмеркавання сітуацыі ў Беларусі былі адзначаныя некаторыя пазітыўныя зрухі ў краіне ў пытанні прыцягнення замежных інвестыцый, у прыватнасці, у пытаннях афармлення ўласнасці і ўмоваў стварэння прадпрыемстваў.
 
"Але гэтага недастаткова. Беларусь – па-ранейшаму сярод аўтсайдэраў па прыцягненні інвестыцый", - падкрэсліў Георгі Дзмітрук. Паводле яго словаў, найбольшыя вострыя пытанні ў гэтай сферы – падатковы цяжар і дастаткова высокія рызыкі для інвестараў.
 
"Альтэрнатывы замежным інвестарам для правядзення мадэрнізацыі ў Беларусі няма. Унутраных рэсурсаў для яе ва ўладаў зараз няма, і наўрадці яны будуць у будучым, каб можна было правесці мадэрнізацыю самастойна", - дадаў сустаршыня БХД.
 
Удзельнікі канферэнцыі таксама адзначылі цікавасць Беларусі, якая знаходзіцца на стыку Расеі і ЕС, для партнёраў з Захаду і Ўсходу. У выпадку станоўчых зменаў іміджу краіны, на іх думку, яна будзе толькі ўзрастаць. "Для нас няважны вектар інвестыцый, для нас важна, каб яны былі. Перадусім, у малы і сярэдні бізнэс", - адзначыў Георгі Дзмітрук.
 
"Улады Беларусі праводзяць прыватызацыю, але робяць гэта непісьменна. Дый прыняць удзел у ёй могуць толькі вялікія прадпрыемствы, у той час як у малога і сярэдняга бізнэсу перспектыў няма", - лічыць лідар ХДІ.
 
Таксама на канферэнцыі абмяркоўвалася пытанне маральнасці бізнэсу, якая пакуль не надта характэрная для Беларусі. "Пакуль бізнэс не будзе ўсведамляць сваёй адказнасці перад грамадствам, нічога не зменіцца", - мяркуе Георгі Дзмітрук.
 
Апроч таго, удзельнікі канферэнцыі адзначылі малую колькасць лідараў прадпрымальніцтва ў Беларусі, нежаданне людзей да атрымання практычных ведаў у бізнэсе. "У Беларусі падаўлена прадпрымальніцкая ініцыятыва. Сітуацыя патрабуе сур'ёзнай рэстаўрацыі, я б нават сказаў, хірургічнага ўмяшальніцтва",  - падкрэсліў сустаршыня БХД.

 
 
Георгі Дзмітрук: у Беларусі падаўлена прадпрымальніцкая ініцыятыва (фота)
Георгі Дзмітрук: у Беларусі падаўлена прадпрымальніцкая ініцыятыва (фота)
Георгі Дзмітрук: у Беларусі падаўлена прадпрымальніцкая ініцыятыва (фота)
Георгі Дзмітрук: у Беларусі падаўлена прадпрымальніцкая ініцыятыва (фота)
Георгі Дзмітрук: у Беларусі падаўлена прадпрымальніцкая ініцыятыва (фота)
Георгі Дзмітрук: у Беларусі падаўлена прадпрымальніцкая ініцыятыва (фота)
Георгі Дзмітрук: у Беларусі падаўлена прадпрымальніцкая ініцыятыва (фота)
Георгі Дзмітрук: у Беларусі падаўлена прадпрымальніцкая ініцыятыва (фота)
Георгі Дзмітрук: у Беларусі падаўлена прадпрымальніцкая ініцыятыва (фота)

Навіны па тэме