Менскія ўлады адмовілі ў правядзенні грамадскіх слуханняў па вадзе (відэа)

28.03.2014, 17:15  |  Галоўныя навіны, Рада Народных Дэпутатаў, Палітыка, Грамадства

Суд Маскоўскага раёну Менска 28 сакавіка агалосіў вердыкт па пазове жыхароў Менску, пададзенага пра падтрымцы аргкамітэту па стварэнні партыі "Беларуская Хрысціянская Дэмакратыя" і ініцыятывы "Наша Кунцаўшчына", адносна правядзення грамадскіх слуханняў аб якасці пітной вады ў Маскоўскім, Фрунзенскім і Кастрычніцкім раёнах Менску.

 

Суд пастанавіў, што Менгарвыканкам адказаў аўтарам звароту ў тэрміны, прапісаныя ў законе, і згодна сваёй кампетэнцыі. Датычна ж таго, што менскія ўлады праігнаравалі патрабванне пра правядзенне грамадскіх слуханняў, суд патлумачыў, што гэта не ў кампетэнцыі Менгарвыканкаму.

 

Між тым рэальнага судовага разбіральніцтва не было, інакш як можна патлумачыць заяву пра адсутнасць кампетэнцыі ў Менгарвыканкама, калі ў арт. 41 Закона аб мясцовым кіраванні і самакіраванні кажыцца, што "выканкамы ў межах сваёй кампетэнцыі ў парадку, устаноўленым заканадаўствам ... арганізуюць абмеркаванне на адпаведнай тэрыторыі важных пытанняў мясцовага і рэспубліканскага значэння".

 

"Мы не патрабавалі выдаткавання нейкіх сродкаў ці нечага завышанага. Мы прапаноўвалі чыноўнікам сустрэцца з людзьмі і абмеркаваць пытанні, якія хвалююць людзей. Але менскія чыноўнікі, якія жывуць за кошт падаткаў, хаваюцца за паперкамі і дзвярмі, і поўнасцю іггнаруюць інтарэсы простых грамадзян. Мы працягнем гэтую і іншыя кампанію, інфармаваць СМІ і зацікаўленых грамадзян пра яе развіццё, каб стварыць ціск на ўлады, каб абвешчаныя раней планы перавесці да 2018 году Маскоўскі, Фрунзенскі і Кастрычніцкі раёны на артэзіянскія свідравіны, былі выкананыя. Што тычыцца сённяшняга рашэння суду, то мы будзем абскарджваць яго ў Менскім гарадскім судзе", - адзначыў адказны сакратар БХД Дзяніс Садоўскі.

 

Нагадаем, у жніўні 2013 года менчукі пры падтрымцы ініцыятывы "Наша Кунцаўшчына" і аргкамітэту па стварэнні партыі "Беларуская Хрысціянская Дэмакратыя"сабралі больш за 500 подпісаўз патрабваннем правесці грамадскія слуханні з прычыны моцнай хларыраванасці пітной вады ў Кастрычніцкім, Маскоўскім і Фрунзенскім раёнах Менска.

 

З тых часоў усе інстнацыі, у якія падаваліся звароты, дасылалі толькі адпіскі, маўляў, вада добраяі няма аб чым турбавацца. Пры гэтым галоўнае патрабаванне правесці шырокія грамадскія слуханні ігнаравалася.

 

Тады ў Генеральную пракуратуру, Адміністрацыю прэзідэнта і Савет міністраў былі пададзеныя скаргі на дзеянні менскіх чыноўнікаў. Аднак звароты былі проста перанакіраваныя ў Менгарвыканкам, на дзеянні якога іскардзіліся менчукі. У вынікуніякага адказу ад менскіх чыноўнікаўпа сутнасці так і не было атрымана.

 

У сувязі з гэтым ад імя 570 падпісантаў была дасланая скарга на Менгарвыканкам у суд Маскоўскага раёна Менска з патрабаваннем прыцягнуць да адказнасці чыноўнікаў, якія не па сутнасці і халатна выконвалі свае абавязкі, і галоўнае - дамагчыся правядзення шырокіх грамадскіх слуханняў па праблеме моцнай хларыраванасці пітной вады ў Кастрычніцкім, Маскоўскім і Фрунзенскім раёнах Менска.

 


Навіны па тэме