Заснавальнік прытулку для бяздомных Шчадроў выехаў да Папы Францішка

16 ліпеня 2014 14:06  |  Палітыка

 

Заснавальнік прытулку для бяздомных у вёсцы Аляксандраўка Шчучынскага раёну Аляксей Шчадроў увечары 15 ліпеня выехаў з Гродна на сустрэчы з Папам Рымскім Францішкам.

На аўтобусе ён даедзе да Варшавы, адкуль ужо самалётам мае прыбыць у Рым, паведаміў Крыніца.INFOгарадзенскі актывіст аргкамітэту Беларускай Хрысціянскай Дэмакратыі Сяргей Верамеенка, які праводзіў Аляксея Шчадрова на аўтобус.

Калі заснавальнік прытулку мае сустрэцца з Папам, актывіст не ведае. Тым не менш, паводле яго словаў, ужо 20 ліпеня Аляксей Шчадроў ужо вяртаецца ў Беларусь.

Як паведамляла Крыніца.INFO, беларускі каталік Аляксей Шчадроў, які арганізаваў у сябе на ўчастку ў вёсцы Аляксандраўка прытулак для бяздомных, запрошаны ў Ватыкан. Сакратарыят Святога пасаду зацікавіўся дзейнасцю заснаванага Аляксеем таварыства «братоў-місіянераў прыкладу Маці Тэрэзы з Калькуты».

На сустрэчы з Папам Аляксей плануе падняць тры пытанні: зарэгістраваць прытулак як суполку братоў-місіянераў, спытае аб магчымасці кананізацыі Маці Тэрэзы з Калькуты, і папросіць дапамогі ў арганізацыі прытулкаў, падобных шчучынскаму, па ўсім свеце.

Болей навін