Сябры БХД адведалі Надзею Дземідовіч (фота)
Актывісты Мінскай абласной арганізацыі аргкамітэту па
стварэнні партыі БХД завіталі ў шпіталь да Надзеі Раманаўны Дземідовіч, якая
трапіла туды нядаўна ў сувязі з хваробай. Ад імя ствараемай партыі актывісты
перадалі ёй пажаданні хутчэйшага выздараўлення, моцнага здароўя, доўгіх гадоў
жыцця.
Зараз Надзея Раманаўна адчувае сябе лепей і спадзяецца на
хуткую выпіску, паведаміў
каардынатар абласного аргкамітэту БХД Павел Пракаповіч.
Надзея Раманаўна Дземідовіч — паэтка, пісьменніца, вязень
ГУЛАГу, якая прайшла праз шматлікія допыты і катаванні. Была асуджана на 25
гадоў за любоў да Беларусі. Удзельніца Кенгірскага паўстання вязняў 1954 года.
Дагэтуль не рэабілітавана.
