БХД заклікае дасылаць Мінгандлю фота продажу алкаголю каля кас (фота)

01 чэрвеня 2015 13:19  |  Галоўныя навіны

У рамках кампаніі
“Абаронім нашых дзяцей ад алкаголю» Беларуская Хрысціянская Дэмакратыя
праводзіць маніторынг крамаў на прадмет размяшчэння алкагольнай прадукцыі ў
гандлёвых залах.

 

«Тое, як яны размяшчаюць
алкагольную прадукцыю, выклікае абурэнне не толькі ў мяне, як чалавека, які
хоча нешта змяніць у гэтым кірунку, але і ў многіх грамадзян Беларусі. Мы ўсе разумеем,
што ўладальнікі крамаў у першую чаргу зацікаўленыя прадаць больш і атрымаць
прыбытак, і іх не хвалюе, што алкагалізм у Беларусі гэта катастрофа, якая
пачынаецца ў іх на прылаўках», – адзначыла каардынатар кампаніі Вольга
Кавалькова.

 

Месяц таму аргкамітэт БХЛ
звярнуўся ў міністэрства гандлю з зваротам, да якога прыкладаліся фатаграфіі
продажу алкагольнай прадукцыі ў прыкасавых зонах. У сваім адказе Мінгандлю
заявілі, што парадак выкладкі тавараў у гандлёвай зале крамы заканадаўства не
рэгулюе, а для абмежавання даступнасці алкаголю для насельніцтва міністэрства
праводзіць ТЛУМАЧАЛЬНУЮ працу з суб’ектамі гандлю, не дапушчаючы размяшчэнне яго
ў «прыкасавых» зонах.

 

«Тлумачальная праца, гэта
па сутнасці – бяздзейнасць, бо пасля яе сітуацыя ніяк не змяняецца. Я лічу, што
пры існуючай сітуацыі з ужываннем алкаголю ў Беларусі растлумачальнай працы
даўно не дастаткова, неабходныя заканадаўча замацаваныя абмежавальныя меры, у
тым ліку магчымасць продажу алкаголю толькі ў асобных аддзелах крамаў і
замацаваныя ў правілах гандлю дакладныя крытэрыі раскладкі тавараў у крамах, не
дапушчаючы продаж алкаголю на касах», – дадаў Вольга Кавалькова.

 

Паводле яе слоў, гэта
дапаможа не толькі знізіць выдаткі міністэрства на тлумачальную працу, але і ў
некалькі разоў знізіць колькасць неабдуманых пакупак алкаголю на касе, «калі ты
і не сабраўся купляць, а тут на табе і проста ў рукі».

 

«Назіраючы шматгадовую
бяздзейнасць органаў улады і аналізуючы беларускае заканадаўства, якое рэгулюе
выраб і продаж алкаголю, і атрымліваючы такія адказы, прыходзіш да высновы, што
асноўны лабіст алкагалізацыі насельніцтва – гэта дзяржава. І мы ў межах
кампаніі змагаемся за змяненне сітуацыі і просім неабыякавых да гэтай праблемы
грамадзян звяртацца ў міністэрства гандлю з зваротамі аб нязгодзе з дзеючым
парадкам продажу алкаголю на [email protected]», – дадала каардынатар
кампаніі.

 

БХД заклікае дасылаць Мінгандлю фота продажу алкаголю каля кас (фота)
БХД заклікае дасылаць Мінгандлю фота продажу алкаголю каля кас (фота)
БХД заклікае дасылаць Мінгандлю фота продажу алкаголю каля кас (фота)

Болей навін