Мінюст утойвае інфармацыю аб рэгістрацыі БХД

19 жніўня 2015 11:34  |  Галоўныя навіны

Мінюст  утойвае інфармацыю аб рэгістрацыі БХД

13 чэрвеня 2015 года адбыўся Пяты ўстаноўчы з’езд Партыі “Беларуская Хрысціянская Дэмакратыя”. 13 ліпеня ўстаноўчыя дакументы партыі былі перададзеныя ў Міністэрства юстыцыі, але 13 жніўня, праз адведзены для прыняцця рашэння месяц, афіцыйны адказ аб рэгістрацыі ці нерэгістрацыі партыі не быў атрыманы.

Няма яго і па стане на 19 жніўня, хаця 14 жніўня прадстаўнік Мінюста падчас прамой тэлефоннай лініі паабяцаў сустаршыне БХД Георгію Дзмітруку, што рашэнне міністэрства будзе вядомае 18 жніўня.

Нагадаем, што ў пачатку жніўня заснавальнікаў БХД выклікалі ў Клічаўскі райвыканкам і пракуратуру Верхнядзвінскага раёну, дзе пад ціскам патрабавалі адмовіцца ад сваіх подпісаў.

Кіраўніцтва БХД не выключае, што ўлады не даюць афіцыйнага адказу, каб скарыстаць час для далейшага ціску на заснавальнікаў партыі дзеля таго, каб яны адклікалі свае подпісы. У сувязі з гэтым БХД разглядае магчымасць падачы скаргі на дзеянні Мінюста ў Генеральную пракуратуру Беларусі.

Болей навін