У Мядзеле і Слоніме забаранілі пікеты ў падтрымку палітвязняў

19.08.2015, 13:47  |  Навіны » Палітыка

У Мядзеле і Слоніме забаранілі пікеты ў падтрымку палітвязняў
Каардынатары аргкамітэту па стварэнні партыі “Беларуская Хрысціянская Дэмакратыя” атрымалі адказы раённых уладаў на заяўкі на правядзенне пікетаў па зборы подпісаў за вызваленне палітвязняў.

Так, Змітру Вінаградаву з Мядзела адмовілі ў праве правядзення пікету бо заява “не адпавядае патрабаванням артыкула 5 Закона Рэспублікі Беларусь “Аб масавых мерапрыемствах у Рэспублікі Беларусь”. У чым канкрэтна яна “не адпавядае”, не паведамляецца.

Аналагічнага зместу атрымаў адказ і каардынатар Іван Бядко са Слоніма, таксама без канкрэтызацыі прычынаў адмовы.

Нагадаем, што БХД падала заяўкі на правядзенне пікетаў у абарону палітвязняў на 22 і 23 жніўня – час, калі не вядзецца перадвыбарчая агітацыя, “каб паказаць, што нічога не змянілася, што элементарныя нормы не выконваюцца, што правы грамадзян парушаюцца”. “Адмова ў правядзенні пікетаў стане яшчэ адным паказчыкам таго, што няма дэмакратызацыі, а толькі імітацыя дэмакратычнага працэсу на кароткі перыяд часу”, - адзначыў сустаршыня аргкамітэту БХД Віталь Рымашэўскі.

Навіны па тэме