Урад для бізнесу: у Мінску прайшла прэзентацыя Канцэпцыі рэформы эканамічнай сістэмы (фота)

23 верасня 2015 12:24  |  Галоўныя навіны

Урад для бізнесу: у Мінску прайшла прэзентацыя Канцэпцыі рэформы эканамічнай сістэмы (фота)

22 верасня ў Мінску прайшла прэзентацыя Канцэпцыі рэформы эканамічнай сістэмы, арганізаваная “Інстытутам дэмакратыі і сацыяльнага рынку для Беларусі і Усходняй Еўропы” (зарэгістраваным у Літве) па замове аргкамітэта партыі Беларуская Хрысціянская Дэмакратыя.

Распрацаваў канцэпцыю адзін з вядучых эканамістаў Беларусі, колішні кіраўнік Нацыянальнага банка Станіслаў Багданкевіч. Судакладчыкамі выступілі прэм’ер-міністр Беларусі ў 1994-96 гадах Міхаіл Чыгір, доктар эканамічных навук Леанід Заіка і кіраўнік “Хрысціянскай дзелавой ініцыятывы”, сустаршыня БХД Георгій Дзмітрук.

У абмеркаванні Канцэпцыі прынялі ўдзел як эканамісты, так і палітыкі, сярод якіх – Леанід Злотнікаў, Васіль Шлындзікаў, Андрэй Клімаў, Віктар Гарбачэўскі, Віталь Рымашэўскі, Павел Севярынец і іншыя.

Выканаўчы дырэктар Інстытуту развіцця і сацыяльнага рынку Зміцер Кухлей адзначыў: “У Канцэпцыі рэформы эканамічнай сістэмы прадугледжаны захады, якія неабходна прыняць як для поўнай змены сённяшняй эканамічнай палітыкі дзяржавы, так і для паляпшэння сітуацыі ў рамках існуючай сістэмы. Апошняя пяцігодка засведчыла сістэмны крізіс існуючай сацыяльна-эканамічнай мадэлі, на выклікі якога, як мы бачым, улады не здольныя знайсці адказ. Калі ўлады не зменяць свае падыходы, нас чакае далейшы эканамічны спад, рост беспрацоўя, зніжэнне даходаў насельніцтва і павелічэнне дзяржаўнага доўгу, які прыйдзецца выплочваць нашым дзецям.”

Абмеркаванне Канцэпцыі працягваецца і кожны беларускі грамадзянін можа прыняць у ім удзел. Дакумент можна знайсці на сайце Інстытута развіцця і сацыяльнага рынку для Беларусі і Усходняй Еўропы – www.idsm.ws, а прапановы па рэформе эканамічнай сістэмы можна дасылаць на адрас – [email protected].

Праект «Урад для народа» — гэта распрацоўка пакета рэформаў у найбольш важных для суверэнітэта і незалежнасці Беларусі сферах грамадскага жыцця. Гэтыя праекты неабходны для стварэння яснай і моцнай альтэрнатывы дзеючай сацыяльна-эканамічнай і палітычнай мадэлі, якая перажывае ў апошнія гады сістэмны крызіс і ўжо не здольная гарантаваць стабільнае развіццё краіны.

Урад для бізнесу: у Мінску прайшла прэзентацыя Канцэпцыі рэформы эканамічнай сістэмы (фота)
Урад для бізнесу: у Мінску прайшла прэзентацыя Канцэпцыі рэформы эканамічнай сістэмы (фота)
Урад для бізнесу: у Мінску прайшла прэзентацыя Канцэпцыі рэформы эканамічнай сістэмы (фота)
Урад для бізнесу: у Мінску прайшла прэзентацыя Канцэпцыі рэформы эканамічнай сістэмы (фота)
Урад для бізнесу: у Мінску прайшла прэзентацыя Канцэпцыі рэформы эканамічнай сістэмы (фота)

Болей навін