Выканкам адмовіў ва ўключэнні ў выбарчую камісію двум сябрам Бабруйскай арганізацыі БХД.

Як паведміла кіраўніца Магілёўскай абласной Рады БХД Таісія Кабанчук, заявы Раісы Лішкевіч і Ігара Казімірчука прыянялі ў выканкаме без пытанняў, і ўчора запрасілі на паседжанне, дзе вызначаўся спіс камісіі. На паседжанні сябрам Беларускай Хрысціянскай Дэмакратыі паведамілі, што склад камісіі прадугледжвае 13 сябраў, а заявы падалі 19 кандыдатаў. “Маўляў, паколькі месца ўсім не хопіць, вам адмоўлена”.

У склад камісіі традыцыйна ўвайшлі прадстаўнікі БРСМ, “Белай Русі”, ветэранскай арганізацыі, супрацоўнікі гарвыканкаму.

- “Зразумела, што спісы былі даўно складзеныя. Усё было спланавана і прайшло па добра пратопаных за 15 гадоў сцежках”, - адзначыла Таісія Кабанчук.

У спіс выбарчых камісіяў не ўключылі таксама сябраў БХД з Асіповічаў.