Лідэр Беларускай Хрысціянскай Дэмакратыі Павал Севярынец працягвае паездкі па рэгіёнах. У складзе некалькіх дзесяткаў ініцыятыўных групаў ён збірае подпісы за кандыдатаў ад БХД.

3-5 сакавіка Севярынец збіраў подпісы адпаведна ў Бабруйску і Клічаве.

Як адзначыў лідэр БХД, у Бабруйску кампанія па збору попісаў вельмі актыўная і масавая. Нагадаем, у горадзе зарэгістравана 16 ініцыятыўных групаў хрысціянскіх дэмакратаў. Сярод патэнцыйных кандыдатаў ад Беларускай Хрысціянскай Дэмакратыі кіраўніца Магілёўскай абласной арганізацыі БХД Таісія Кабанчук, прадпрымальнік Вячаслаў Шэлег, журналіст Яўген Васьковіч, сябра Беларускага Хельсінскага камітэту Аляксандр Леаненка, інжынер Аляксандра Сьянава і іншыя.

За кандыдатаў ад БХД людзі падпісваюцца вельмі ахвотна. Так, паводле Паўла Севярынца, у Клічаве, дзе збіраюцца балатавацца два хадэкі, подпісы за іх ставілі чацвёра з пяці грамадзянаў, да іх звярталіся сябры ініцыятыўнай групы.

Цікавіліся зборшчыкамі подпісаў і міліцыянты, асабліва ў дзень свайго прафесійнага свята (4 сакавіка). Але далей пільнага дагляду дакументаў не пайшло.