У Пастаўскім раёне па Азёрнай акрузе № 13 у склад участковай камісіі ўключаны Уладзіслаў Баранко; у Глыбоцкім раёне па Падсвільскай акрузе № 8 у склад камісіі ўвайшла Марыя Баравік. Дакументы на ўключэнне ва ўчастковыя камісіі падаваліся шляхам збору подпісаў.

Між тым, толькі лічаныя адзінкі прадстаўнікоў БХД трапляюць ва ўчастковыя камісіі. Гэта, на думку Паўла Севярынца, робіцца “дзеля шырмы”.  Агулам мясцовыя ўлады максімальна перашкаджаюць прадстаўнікам Беларускай Хрысціянскай Дэмакратыі трапіць ва ўчастковыя камісіі.

Так, у Бабруйску на ўключэнне ва ўчастковыя камісіі было пададзена 23 прэтэндэнта ад БХД. Мясцовае кіраўніцтва адразу ж пачалі прымушаць людзей адмовіцца ад удзелу ў камісіі пад пагрозамі страты працы або вучобы.

Так, студэнта Бабруйскай вучэльні алімпійскага рэзерва Мікіту Уварава пад пагрозай выключэння прымусілі напісаць адмову ад удзелу ва ўчастковай камісіі.

Супрацоўніцы Цэнтральнай бібліятэчнай сістэмы Бабруйскага раёна Наталлі Карпавай паведамілі, што калі яна не напіша адказны ліст, “яе будуць чакаць вялікія непрыемнасці, у тым ліку яна можа застацца без працы”. Пры гэтым жанчыне засталося два гады да пенсіі.