БХД запрашае журналістаў і ўсіх, хто хоча падтрымаць беспадстаўна арыштаванага і асуджанага на 15 сутак актывіста БХД Андруся Кашэўскага, 18 сакавіка ў 14.00 сустрэць яго па выхадзе з ізалятара-размеркавальніка на Акрэсціна.

Нагадаем, сябра БХД са Смалявічаў Андрусь Кашэўскі, які збіраўся балатавацца ў Жодзінскі гарсавет і Менскі аблсавет, быў затрыманы вечарам 3 сакавіка ў Менскім метро.

Актывіста даставілі ў суд Ленінскага раёна, дзе ў той жа вечар адбыўся суд. Суддзя Навіцкая прысудзіла актывісту 15 сутак зняволення.

15 сакавіка ў Жодзінскай гарадской выбарчай камісіі ў Паўла Севярынца адмовіліся прыняць дакументы на рэгістрацыю Андруся Кашэўскага кандыдатам ў дэпутаты Жодзінскага гарсавета і Менскага аблсавета.