Актывістаў, затрыманых 27 ліпеня падчас акцыі, прымеркаванай да святкавання 20-й гадавіны падпісання Дэкларацыі незалежнасці на плошчы Якуба Коласа, будуць судзіць заўтра ў судзе Савецкага раёна.

Актывістаў Вячаслава Сіўчыка, Андруся Кіма, Мікалая Дземідзенку, Кацярыну Давыдчык пратрымалі да 21:30 ў апорным пункце міліцыі на завулку Якуба Коласа, 15.

Паводле актывістаў, ім закідаюць арт. 17.1 Адміністрацыйнага кодэксу (хуліганства).

Міліцыянты не паведамілі, куды павезлі затрыманых і якое правапарушэнне ім закідаюць.

На пытанні журналістаў адмовіліся адказваць. Журналісту Кастусю Шыталю спрабавалі забараніць фатаграфаваць, пагражалі адабраць фотаапарат.

Таксама была спроба разагнаць родных і сяброў затрыманых, якія чакалі іх каля пастарунку.