Русская | RSS-стужка | English

МАЗ

Амэрыка – гэта натуралёва, "Форд", Нямеччына – "Мэрсэдэс", Японія – "Таёта". А Беларусь – гэта "МАЗ". “МАЗ” – нацыянальны ўзор машыны сусьветнае клясы. Не раскоша й нават ня сродак перасоўваньня – грузавік, які перавозіць будаўнічыя матар'ялы, кантэйнеры й фуры.

 

МАЗ – гэта цэлы горад у Менску. Заснаваны адразу пасьля вызваленьня 1944-га, МАЗ пачаў рабіць лепшыя грузавікі на прасторах былога СССР і Ўсходняе Эўропы. Сёньня “МАЗы” экспартуюцца ў 60 краінаў: зь імі Беларусь аб'езьдзіла ўвесь сьвет. Цяперашнія машыны “МАЗ-MAN” – адно з галоўных дасягненьняў беларускай індустрыі за ўсю яе гісторыю, шэдэўр "зборачнага цэху".

 

 “МАЗ” – пераможца дзесяткаў эўрапейскіх аўтамабільных конкурсаў, выставаў і ралі. На міжнародных прэзэнтацыях і ў экспацэнтарах "за Беларусь" выстаўляецца менавіта МАЗ.

“МАЗ” – нават гучыць магутна, з ровам матору. “МАЗ” – значыць, “max”.

 

МАЗ, як і ўсякі беларус, бярэ на сябе максымальны цяжар. На базе МАЗу быў пабудаваны БелАЗ, канвэер гіганцкіх кар'ерных самазвалаў, Магілёўскі аўтазавод, што робіць лесавозы-скрэпэры. Сам МАЗ ад бартавых транспартаў і прычэпаў разьвіўся да поўнапрывадных грузавікоў, аўтацягнікоў, колавых цягачоў і вялізных аўтамабіляў-шасі. Але сапраўдны патрыятычны ўгар апаноўвае тады, калі даведваесься: парады стратэгічных ракетаў зь ядравымі баегалоўкамі, ад якіх шок і трапятаньне ахоплівае ўвесь сьвет, робяцца на МАЗаўскіх цягачах.

 

МАЗ нездарма – галоўнае прадпрыемства канцэрну "Белаўтамаз", якое ўключае магілёўскія, жодзінскія, барысаўскія прадпрыемствы й менскі Завод колавых цягачоў. Да МАЗу можна прылучаць прычэпам усё беларускае машынабудаваньне – выцягне.

 

“МАЗ” лёгка пазнаць на любое дарозе. У яго вельмі беларускае аблічча. Вялікагаловы, круталобы, з буйным маршчакаватым радыятарам, вялікімі, крыху прыхаванымі вачыма, такімі засяроджанымі й глыбокімі, і ёмістай прасторай кабіны за лабавым шклом – вось ён які, задуменны, шчыры працаўнік, добры сябра й сапраўдны бацька сямейства.

 

Большасьць “МАЗаў” возяць грузы за мяжой Беларусі, абслугоўваючы дзесяткі краінаў – зрэшты, як і большасьць беларусаў у нашае гісторыі. А значыць, “МАЗ” належыць да самых характэрных тыпажоў нацыянальнай ідэі.



Запісаць у свой LiveJournal Напісаць ВКонтакте Напісаць в Facebook Напісаць в Moimir Напісаць в Blogger Напісаць в Yandex Напісаць в Google Bugzz

Навіны па тэме:

Аўтазаводзец, напісаў 5 кастрычніка 2011 16:25:

http://www.tarpeda.org - сайт прыхільнікаў ФК Тарпеда Менск, легенды беларускага футбола, клюба які быў створаны ў 1947 г. пры Менскім аўтамабільным заводзе й зь якім вельмі цесна зьвязаная гісторыя МАЗу.



Загрузить Adobe Flash Player
Права Выбару

Відэа на сайцеУ раздзел

Сябры


Rating All.BY

© 2005-2009 Аргкамітэт па стварэнню Партыі БХД. Пры выкарыстанні матэрыялаў спасылка на сайт bchd.info абавязковая.
220123, г. Мінск, а/с 324, bchd.info@gmail.com