23 ліпеня Гомельскі абласны суд разгледзіць касацыйную скаргу сябра БХД Яўгена Якавенкі, які за патрабаванне ад вайскоўцаў камунікаваць з ім на роднай мове пакараны судом Цэнтральнага раёну Гомелю годам абмежавання волі — так званай "хіміі".

"Саюз з адсталымі ў эканамічным сэнсе і недэмакратычнымі рэжымамі – загадзя пройгрышны", заявіў Павал Севярынец.

Адміністрацыя Аршанскага механіка-эканамічнага каледжа дазволіла актывістцы БХД з Віцебска Анастасіі Сотнікавай здаць акадэмічныя запазычанасці да восені. На мінулым тыдні яе пагражалі адлічыць, калі яна не здасць запазычанасці да 1 ліпеня.

Сябры Беларускай Хрысціянскай Дэмакратыі запрашаюць прыняць удзел у святкаванні 600-годдзя Вялікай Перамогі пад Грунвальдам.

Зэльвенскі райвыканкам лічыць немэтазгодным наданне імя Ларысы Геніюш сённяшняй вуліцы Савецкая, дзе шмат гадоў жыла славутая паэтка-патрыётка. На думку чыноўнікаў, “для бальшыні жыхароў слова “Савецкая” асацыюецца з маладосцю і ўпэўненасцю ў заўтрашнім дні”.

Рэканструяваныя беларускімі мастакамі і гісторыкамі харугвы, пад якімі беларускія ваяры удзельнічалі ў Грунвальдскай бітве, будуць асвечаны ў Менску ў Архікатэдральным касцёле імя Найсвяцейшай Панны Марыі.