Сустаршыня “Беларускай Хрысьціянскай Дэмакратыі”

1975 года нараджэньня. Беларус. Жыхар Мінска. Адукацыя вышэйшая, інжынер-будаўнік. Жанаты, мае дачку. Жыве ў Менску.

Адукацыя вышэйшая, інжынер-будаўнік. У 1997 годзе паспяхова скончыў Беларускі Нацыянальны Тэхнічны Універсітэт (былы БДПА).

Пасля навучання працаваў па спецыяльнасці, пачынаючы ад шэраговага супрацоўніка да і сканчаючы начальнікам тэхнічнага аддзела. Затым пачаў займацца прыватным бізнесам.

Прафесійна займаецца палітыкай з 1996 года.

З 1996 года -- член Каардынацыйнай Рады “Беларускага аб’яднання маладых палітыкаў”.

У 2002-2004 гадах -- член Прэзідыюма Беларускай нацыянальнай рады моладзевых і дзіцячых грамадскіх арганізацыяў "Рада".

Адзін з распрацоўшчыкаў канцэпцыі новай моладзевай палітыкі Беларусі.

У 1999 годзе навучаўся ў Германіі на курсах Вышэйшай школы дзяржаўнага кіравання ў інстытуце “Саюз грамадскага кіравання”, вывучаў эканамічнае і палітычнае ўладкаванне ФРГ.

Праваслаўны хрысціянін.

Адзін з кіраўнікоў кампаніі “У абарону свабоды сумлення і веравызнання у Беларусі”, у межах якой было сабрана больш за 50 тыс. подпісаў у  абарону хрысціянаў.

У партыі  Віталь Рымашэўскі ўзначальвае працу міжнароднага і адукацыйнага адзела, курыруе  працу моладзевай арганізацыі Маладыя Хрысціянскія Дэмакраты, з’ўяўляецца кіраўніком Менскай арганізацыі БХД.