24 кастрычніка 2026 года ў Беластоку пройдзе З’езд аднаўлення Беларускай Хрысціянскай Дэмакратыі (БХД). Падзея прымеркаваная да 100-гадовага юбілею з дня заснавання гістарычнай партыі БХД: 24 кастрычніка 1926 года ў Вільні адбыўся з’езд беларускіх хрысціянскіх дэмакратаў, на якім «Беларуская хрысціянска-дэмакратычная злучнасць» 1917 года ператварылася ў БХД.

З’езд пакліканы спрыяць яднанню розных плыняў беларускай хрысціянскай дэмакратыі і падкрэсліць больш чым стогадовую традыцыю хрысціянска-дэмакратычнага руху, які заўсёды стаяў на варце хрысціянскіх каштоўнасцяў, дэмакратыі, нацыянальных інтарэсаў і беларускага Адраджэння.

Удзельнікі абмяркуюць стратэгію працы ў сучасных грамадска-палітычных умовах, вызначаць прыярытэты далейшай дзейнасці і абяруць новае кіраўніцтва.

Арганізатары з’езду ставяць сваёй задачай аднаўленне і развіццё дзейнасці БХД, умацаванне супрацоўніцтва паміж рознымі плынямі беларускага хрысціянска-дэмакратычнага руху, яднанне беларускіх дэмакратычных сілаў і стварэнне прывабнай альтэрнатывы для Беларусі.

Месцам правядзення З’езду выбраны Беласток — адзін з ключавых цэнтраў беларускай дыяспары ў Польшчы. Правядзенне партыйных з’ездаў у рэгіянальных цэнтрах адпавядае еўрапейскай палітычнай практыцы. Беласток размешчаны на шляху паміж Вільняй і Варшавай — гарадамі, дзе жывуць значныя беларускія супольнасці.

The post 24 кастрычніка ў Беластоку адбудзецца З’езд аднаўлення Беларускай Хрысціянскай Дэмакратыі appeared first on Афіцыйны сайт Беларускай Хрысціянскай Дэмакратыі (БХД).

Арганізацыя захоўвае пераемнасць з Беларускай хрысціянскай дэмакратыяй і абапіраецца на сучасную еўрапейскую хрысціянска-дэмакратычную традыцыю. Прынцыповымі застаюцца ўнутраная дэмакратыя, плюралізм і калегіяльнае прыняцце рашэнняў. Сістэма сустаршынства — важны механізм прадстаўніцтва розных поглядаў, размеркавання адказнасці і супольнай працы пры адрозненнях у падыходах. Агульная структура аб’ядноўвае людзей і ініцыятывы, якія ўжо дапамагаюць беларусам, абараняюць іх правы і развіваюць супольнасці, каб зрабіць гэтую працу больш узгодненай і выніковай.

Сустаршынямі абраныя Вольга Алейнік, Ксенія Палуэктава, Віталь Рымашэўскі і Дзяніс Садоўскі. Упершыню ў найноўшай гісторыі хрысціянскіх дэмакратаў сфармаваны парытэтны склад сустаршыняў — дзве жанчыны і двое мужчын.

Злева направа: Вольга Алейнік, Дзяніс Садоўскі, Ксенія Палуэктава і Віталь Рымашэўскі

Служэнне беларусам — у краіне і за яе межамі

«Беларуская салідарнасць / хрысціянскія дэмакраты» аб’ядноўвае практычную дапамогу людзям, развіццё беларускіх супольнасцяў, падтрымку самастойных ініцыятыў і працу над рашэннямі, якія адкрываюць беларусам новыя магчымасці ў Беларусі і за яе межамі.

«Чалавек важнейшы за сістэму: дзяржава, палітычныя і грамадскія структуры павінны служыць чалавеку, абараняць яго правы і дапамагаць яму самастойна будаваць сваё жыццё», — адзначаецца ў дэкларацыі, прынятай на канферэнцыі.

Каштоўнасная аснова арганізацыі — чалавечая годнасць, свабода і адказнасць, салідарнасць, плюралізм і субсідыярнасць — прыняцце рашэнняў як мага бліжэй да людзей, якіх яны датычаць. Дапамога павінна ўмацоўваць самастойнасць чалавека, а падтрымка ініцыятыў — пашыраць іх магчымасці, не пазбаўляючы ўласнага кіравання.

Галоўная задача — падтрымка беларусаў унутры краіны і за яе межамі, абарона іх правоў і прадстаўленне інтарэсаў. Практычная дапамога разглядаецца як неад’емная частка працы дзеля свабоднай, незалежнай і дэмакратычнай Беларусі. Людзі павінны мець магчымасць не толькі атрымліваць падтрымку, але і прапаноўваць уласныя рашэнні, ствараць ініцыятывы і ўплываць на парадак дня.

Прынцып «Ад дапамогі аднаму чалавеку — да рашэння праблемы для многіх» прадугледжвае спалучэнне індывідуальнай дапамогі з працай над сістэмнымі зменамі. Там, дзе з адной перашкодай сутыкаюцца многія, неабходныя збор фактаў, падрыхтоўка прапаноў і змена правілаў або адміністрацыйнай практыкі.

Прыярытэты на 2027–2028 гады

Стратэгічнымі прыярытэтамі вызначаныя абарона незалежнасці Беларусі, супрацьдзеянне гібрыдным пагрозам, спыненне рэпрэсій і вызваленне палітвязняў, абарона свабоды сумлення і рэлігійных супольнасцяў, захаванне беларускай мовы, культуры і нацыянальнай ідэнтычнасці.

Асобная ўвага будзе надавацца падтрымцы беларусаў, якія застаюцца ўнутры краіны, захаванню грамадскіх сувязяў і магчымасцяў бяспечнага ўдзелу з улікам рызык рэпрэсій. Арганізацыя выступае супраць ізаляцыі беларускага грамадства ад Еўропы, за пашырэнне адукацыйных, культурных і прафесійных кантактаў.

Аляксандр Кавалевіч, сябра Рады

Працягнуцца кампанія ў абарону правоў беларусаў у Польшчы і міжнародныя кампаніі салідарнасці з Беларуссю. Сярод практычных задач — развіццё сеткі ўзаемадапамогі, падтрымка былых палітвязняў і сем’яў з дзецьмі, жаночага, моладзевага і сеньёрскага кірункаў, пашырэнне псіхалагічнай дапамогі.

Асаблівы акцэнт зроблены на развіцці грамадскіх і сацыяльных ініцыятыў. Арганізацыя будзе дапамагаць самастойным камандам знаходзіць партнёраў, экспертаў, веды і рэсурсы, падтрымліваць адукацыйныя і культурныя праекты, ствараць магчымасці для новых лідараў. Задача такой падтрымкі — умацоўваць самастойнасць ініцыятыў, а не падпарадкоўваць іх адзінаму цэнтру.

Супрацоўніцтва будзе будавацца як сетка раўнапраўнага партнёрства, у якой каманды захоўваюць уласнае кіраванне і напрамкі дзейнасці. «Нам не трэба аднолькава думаць пра ўсё, каб супрацоўнічаць там, дзе нас аб’ядноўваюць агульныя каштоўнасці і ўзаемная карысць», — падкрэсліваецца ў прынятай дэкларацыі.

Канстанцін Акінчыц, сябра рады і сустаршыня МХД/ БМС

Плануецца пашырэнне магчымасцяў навучання, стажыровак і міжнародных абменаў. Інтэграцыя беларусаў у краінах пражывання павінна спалучацца з захаваннем нацыянальнай ідэнтычнасці, а веды, досвед і сувязі дыяспары — працаваць таксама на падтрымку суайчыннікаў унутры краіны і будучае развіццё Беларусі.

Важнымі задачамі застаюцца супрацоўніцтва дэмакратычных сіл, узмацненне ролі грамадзянскай супольнасці і Платформы палітычных партый, пашырэнне прадстаўніцтва розных супольнасцяў і ўплыву саміх беларусаў на прыняцце агульных рашэнняў.

Прывітанні партнёраў і працяг супольнай працы

Дзмітрый Кучук – старшыня Беларускай партыі «Зялёныя»

З прывітаннямі да ўдзельнікаў і ўдзельніц канферэнцыі звярнуліся депутаты  Еўрапейскага парламента і Сейма Польшчы,   а таксама прадстаўнікі беларускіх дэмакратычных партый — Беларускай партыі «Зялёныя», Беларускай сацыял-дэмакратычнай партыі («Грамада») і Партыі БНФ — Беларускага народнага фронту.  

Папярэдні сустаршыня і сябра рады Аляксандр Паршанкоў

17 кастрычніка таксама адбыліся з’езды «Маладых хрысціянскіх дэмакратаў» і жаночай арганізацыі. На моладзевым з’ездзе абралі новы склад Рады і трох сустаршыняў — Лізавету Жучкову, Уладзіміра Далецкага і Канстанціна Акінчыца, — а таксама зацвердзілі планы дзейнасці. Жаночая арганізацыя падвяла вынікі працы і вызначыла наступныя задачы.

18 кастрычніка праца працягнулася ў тэматычных рабочых групах. Удзельнікі абмяркоўвалі развіццё асобных кірункаў, узаемадапамогу і супольныя праекты. Сеньёрская група вызначала далейшыя крокі па развіцці свайго аб’яднання і падтрымцы беларусаў старэйшага пакалення.

«Беларуская салідарнасць / хрысціянскія дэмакраты» працягвае працу, якая аб’ядноўвае дапамогу канкрэтнаму чалавеку з адказнасцю за беларускую супольнасць і будучыню краіны. Арганізацыя адкрытая да супрацоўніцтва з людзьмі і ініцыятывамі, якія падзяляюць каштоўнасці чалавечай годнасці, свабоды, салідарнасці і незалежнасці Беларусі.

Каментары сустаршыняў

Ксенія Палуэктава

«Была вымушаная пакінуць Беларусь пасля пачатку крымінальнага пераследу за бясплатную псіхалагічную дапамогу пацярпелым ад рэпрэсій 2020 года. У Варшаве працягнула гэтую працу разам з камандай, арганізоўвала трэнінгі для жанчын, дапамагала сем’ям з дзецьмі.

Для гарамадска – палітычнай працы я чалек новы. Вельмі расчароўвала напачатку, калі назірала сваркі і спрэчкі паміж рознымі групамі беларускіх палітыкаў.  Ведаю што шмат маіх сяброў адыйшлі ад актыўнага ўдзелу з гэтай прычыны. Стома і выгаранне не павінны ператварацца ва ўзаемную варожасць. Салідарнасць павінна быць штодзённай практыкай. 

Ксенія Палуэктава, сустаршыня

Была вельмі ўражаная камандай хрысціянскіх дэмакратаў – іх практычнаму падыходу і скіраванасцю на дапамогу людзям і вынікі працы тут і цяпер. Бо людзі ўжо стаміліся чуть вылякія абяцанні каторя неспраўджваюцца. Трэба рабіць хацяб невялікія але дзейсныя крокі каторыя прыносяць выннік і карысць людзям. Буду развіваць жаночы кірунак і працаваць над пераадоленнем стэрэатыпаў, якія перашкаджаюць роўнаму ўдзелу жанчын. Плануем праграму псіхалагічнай падтрымкі актывістаў у эміграцыі і анлайн-кансультацыі для беларусаў унутры краіны з улікам іх бяспекі».

Вольга Алейнік

«За гэтыя гады мы стварылі шырокую сетку міжнародных кантактаў і партнёрстваў. Будзем выкарыстоўваць яе для падтрымкі Беларусі і беларусаў, прыцягнення ўвагі да нашай краіны і арганізацыі міжнародных кампаній салідарнасці.

Працягнем працу з еўрапейскімі інстытуцыямі і міжнароднымі арганізацыямі дзеля спынення рэпрэсій, падтрымкі палітвязняў, свабоды веравызнання і роўнасці правоў жанчын і мужчын. Абарону рэлігійных супольнасцяў мы рэгулярна ўздымалі ў дыялогу з Еўрапейскім парламентам і Еўрапейскай народнай партыяй — гэтую працу будзем узмацняць. Адначасова будзем адкрываць беларусам і беларускам магчымасці пераймаць у еўрапейскіх калег сучасныя практыкі дзяржаўнага кіравання, мясцовага самакіравання і развіцця недзяржаўных арганізацый».

Віталь Рымашэўскі

«Вельмі ўсцешаны тым, што новыя людзі далучаюцца да нашай працы, што беларусы не губляюць надзеі, ствараюць новыя ініцыятывы ў Біларусі і ў эміграцыі. Беларусь — там, дзе ёсць беларусы. Мы застаёмся адным народам — унутры краіны і за яе межамі. Наша задача — служыць беларусам: падтрымліваць людзей у Беларусі  і абараняць  правы беларусаў у выгнанні, дапамагаць суайчыннікам у эміграцыі. Будаваць Беларусь трэба тут і цяпер — праз узаемную падтрымку і супольныя справы.  Гатовыя падтрымаць».

Дзяніс Садоўскі

«Мы таксама разглядаем больш шырокае аб’яднанне розных ідэалагічных плыняў хрысціянскіх дэмакратаў.  Таксама вітаем з’езд які плануюць правесці нашыя калегі і паплечнікі 24 кастрычніка ў Беластоку. 

За два месяцы пастаянных кансультацый паміж нашай камандай і камандай Паўла Севрынца і Георгія Дмітрука зробленыя крокі насустрач, дасягнутая дамоўленасць аб адмове ад узаемных публічных нападак. Працуем над пагадненнем аб супрацоўніцтве. Розныя плыні гістарычна суіснавалі ў беларускай хрысціянскай дэмакратыі. Мы паважаем гэтыя адрозненні, бачым у калегах партнёраў і саюзнікаў, адкрытыя да аб’яднання з захаваннем унутранай дэмакратыі і плюралізму.

Дзяніс Садоўскі, сустаршыня

Спадзяемся ў 2027 год атрымаецца правесці супольную кампанію ўшанавання памяці ахвяр камуністычнага тэрору і палітычных рэпрэсій, абмяркоўваем магчымасць супольнага з’езда дзеля таго каб дзе плыні хрысціянскіх дэмакратаў працавалі больш шчыльна.  Сёння рэпрэсіі не дазваляюць правесці паўнавартасны партыйны з’езд з удзелам сябраў унутры краіны. Наша мэта — разам аднавіць дзейнасць Беларускай хрысціянскай дэмакратыі ў свабоднай Беларусі».

The post У Варшаве адбыўся сход «Беларуская салідарнасць / хрысціянскія дэмакраты» appeared first on Афіцыйны сайт Беларускай Хрысціянскай Дэмакратыі (БХД).

Па ініцыятыве Беларускай хрысціянскай дэмакратыі і пры падтрымцы еўрапейскіх партнёраў Палітычная асамблея Еўрапейскай народнай партыі прыняла рэзалюцыю па Беларусі.

У рэзалюцыі ЕНП заклікае да вызвалення ўсіх палітычных зняволеных і спынення рэпрэсій, спынення ўдзелу рэжыму Лукашэнкі ў расійскай агрэсіі супраць Украіны і гібрыдных атаках супраць краін Еўрапейскага саюза. Асобна ЕНП заклікае разгледзець прызначэнне Спецыяльнага прадстаўніка ЕС па Беларусі.

Сустаршыня БХД Віталь Рымашэўскі: «Мы падрыхтавалі гэтую рэзалюцыю бо асабліва важна, каб цяпер, калі асобныя краіны ЕС ужо пачынаюць весці ўласныя перамовы з Лукашэнкам і заключаць двухбаковыя дамоўленасці, Еўрапейскі саюз меў адну ясную і скаардынаваную палітыку па Беларусі.

Такая агульная еўрапейская пазіцыя дасць больш магчымасцяў дамагацца канкрэтных вынікаў: вызвалення ўсіх палітычных зняволеных, спынення рэпрэсій, спынення ўдзелу рэжыму ў расійскай агрэсіі супраць Украіны і гібрыдных атаках супраць краін ЕС.

Таму для нас асабліва важная прапанова аб прызначэнні Спецыяльнага прадстаўніка ЕС па Беларусі.

Мы таксама прапанавалі ЕНП разгледзець магчымасць стварэння спецыяльнай рабочай групы па Беларусі, магчыма ўжо на наступнай Палітычнай асамблеі. Беларусь павінна заставацца ў пастаянным знешнепалітычным парадку дня ЕНП».

На фота: Сустаршыня БХД Віталь Рымашаўскі, генеральны сакратар EPP — Dolors Montserrat, старшыня РЗС Юрый Губарэвіч.

The post ЕНП заклікала прызначыць Спецыяльнага прадстаўніка ЕС па Беларусі appeared first on Афіцыйны сайт Беларускай Хрысціянскай Дэмакратыі (БХД).

Анджэй Пачобут — беларускі журналіст, грамадскі дзеяч, адзін з лідараў Саюза палякаў Беларусі і былы палітычны вязень, які больш за пяць гадоў правёў за кратамі за сваю грамадзянскую і журналісцкую дзейнасць.

Паводле звестак «Вясны» і «Хрысціянскай Візіі», на 8 верасня 2026 года ў Беларусі за кратамі застаецца адзін каталіцкі святар — Анатоль Парахневіч, прызнаны палітвязнем. За апошнія тры месяцы пацверджаны як мінімум адзін выпадак вымушанага выезду святара — Януша Пуліта, якому не працягнулі дазвол на служэнне пасля 32 гадоў працы ў Беларусі. Адначасова ў жніўні стала вядома пра шырэйшую кампанію ціску на каталіцкае духавенства: 11 польскіх святароў Мінска-Магілёўскай архідыяцэзіі могуць быць вымушаныя пакінуць краіну, а ўсяго сёлета «Хрысціянская Візія» налічыла 16 каталіцкіх святароў, якім адмовілі ў працягу дазволу на служэнне. За кратамі таксама застаецца праваслаўны святар Сяргей Рэзановіч, а разам з ім па гэтай жа справе пераследавалася яго сям’я. ([belarus2020.churchby.info][1]) У цэлым рэпрэсіі закранаюць сотні палітычных зняволеных: паводле актуальнага спісу «Вясны», несправядліва пазбаўленымі волі застаюцца 888 чалавек, і гэты спіс працягвае папаўняцца. ([prisoners.spring96.org][2])

[1]: https://belarus2020.churchby.info/persecuted-priests-belarus-ru/?utm_source=chatgpt.com “Белорусские священнослужители, подвергшиеся преследованиям – Царква і палітычны крызіс у Беларусі”
[2]: https://prisoners.spring96.org/?utm_source=chatgpt.com “Палітвязні і рэпрэсаваныя ў Беларусі”

The post Беларускія хрысціянскія дэмакраты вітаюць вяртанне Анджэя Пачобута ў Беларусь appeared first on Афіцыйны сайт Беларускай Хрысціянскай Дэмакратыі (БХД).

Былая спецыяльная дакладчыца ААН па сітуацыі з правамі чалавека ў Беларусі Анаіс Марэн заклікала польскія ўлады не высылаць беларусаў, якім у выпадку вяртання на радзіму пагражае пераслед. Артыкул пад назвай «Польшча, не выкідай беларусаў» быў апублікаваны 1 верасня ў Gazeta Wyborcza.

Марэн піша, што ў апошнія месяцы да яе звярнуліся дзясяткі беларусаў, якія атрымалі адмовы ў міжнароднай абароне ў Польшчы. Паводле яе, у першай палове 2026 года ўпершыню колькасць адмоваў беларусам у прадастаўленні прытулку перавысіла колькасць станоўчых рашэнняў.

Былая спецдакладчыца ААН падкрэслівае, што рэпрэсіі ў Беларусі працягваюцца, а пагроза пераследу датычыцца не толькі ўдзельнікаў пратэстаў 2020 года. Пад увагу беларускіх спецслужбаў могуць трапляць людзі, якія крытыкавалі рэжым ужо пасля выезду з краіны, удзельнічалі ў акцыях за мяжой або іншым чынам праяўлялі сваю грамадзянскую пазіцыю. Вяртанне такіх людзей у Беларусь можа пагражаць затрыманнем, крымінальным пераследам і зняволеннем.

Па дадзеных польскага Упраўлення па справах іншаземцаў, на 1 жніўня 2026 года 9 902 грамадзяніны Беларусі мелі ў Польшчы дадатковую абарону, яшчэ 1 237 — статус уцекача. Такім чынам, больш за 11 тысяч беларусаў знаходзяцца ў краіне менавіта на падставе міжнароднай абароны.

Для многіх з іх Польшча стала краінай, з якой сёння звязаныя магчымасці бяспечна жыць, працаваць, вучыцца і забяспечваць свае сем’і. Фармальна гэтыя людзі застаюцца грамадзянамі Беларусі, аднак фактычна яны пазбаўленыя абароны ўласнай дзяржавы, а ў шэрагу выпадкаў менавіта беларуская дзяржава з’яўляецца крыніцай пагрозы для іх.

Беларускія хрысціянскія дэмакраты выказваюць удзячнасць Анаіс Марэн за тое, што і пасля завяршэння мандата спецдакладчыцы ААН яна працягвае паслядоўна абараняць правы беларусаў і прыцягваць да іх праблем увагу еўрапейскай грамадскасці.

БХД пасля 2020 года паслядоўна выступае ў падтрымку беларусаў, вымушаных пакінуць краіну. Фракцыя беларускіх хрысціянскіх дэмакратаў у Каардынацыйнай радзе праводзіла кампанію «Не — жалезнай заслоне», скіраваную супраць ізаляцыі беларускага грамадства, за захаванне кантактаў паміж грамадзянамі Беларусі і краінамі ЕС і аднаўленне працы памежных пераходаў. 17 лістапада 2025 года Польшча аднавіла рух праз пераходы Кузніца — Брузгі і Баброўнікі — Бераставіца.

Рэпрэсіі ў Беларусі не спыняюцца, таму вяртанне ў краіну для многіх грамадзян па-ранейшаму небяспечнае. Беларускія хрысціянскія дэмакраты лічаць, што людзі, якія ўцяклі ад палітычнага пераследу і сёння жывуць у Польшчы, павінны мець гарантыі бяспекі і магчымасць нармальна будаваць тут сваё жыццё.

The post Анаіс Марэн заклікала Польшчу не высылаць беларусаў appeared first on Афіцыйны сайт Беларускай Хрысціянскай Дэмакратыі (БХД).

3 верасня ў Еўрапейскім парламенце ў Бруселі на слуханнях Падкамітэта па правах чалавека (DROI), прысвечаных пераследу рэлігійных меншасцяў у свеце, асобная ўвага была нададзеная сітуацыі ў Беларусі.

Старшыня Дэлегацыі Еўрапейскага парламента па адносінах з Беларуссю Малгажата Гасеўская ўзняла праблему пераследу вернікаў у краіне. У сваім выступе яна падкрэсліла, што пад ціскам і рэпрэсіямі беларускіх уладаў знаходзяцца хрысціяне розных канфесій.

Да слуханняў Institute for Development and Social Market in Belarus and Eastern Europe (IDSMBEE) падрыхтаваў спецыяльны аналітычны матэрыял аб становішчы рэлігійных супольнасцяў у Беларусі, заснаваны на маніторынгу па стане на 30 жніўня 2026 года. У ім адзначаецца, што ціск на рэлігійныя арганізацыі ўсё часцей ажыццяўляецца праз адміністрацыйныя механізмы: абавязковую рэгістрацыю, ліквідацыю рэлігійных арганізацый, дазвольны парадак для замежных святароў, абмежаванні публічнай рэлігійнай дзейнасці і прымяненне заканадаўства аб «экстрэмізме».

Пасля абавязковай перарэгістрацыі колькасць зарэгістраваных рэлігійных арганізацый скарацілася з 3 592 да 3 426. Усе тры раней зарэгістраваныя грэка-каталіцкія супольнасці Брэсцкай вобласці страцілі юрыдычны статус. У жніўні 2026 года суд прыняў рашэнне аб ліквідацыі нацыянальнага аб’яднання евангелічна-лютэранскіх супольнасцяў.

З пачатку 2026 года беларускія ўлады таксама адмовілі як мінімум 12 польскім каталіцкім святарам у магчымасці працягваць служэнне ў Беларусі. Зафіксаваныя выпадкі затрыманняў і пакаранняў вернікаў за мірную рэлігійную дзейнасць, а таксама прымянення «антыэкстрэмісцкага» заканадаўства ў дачыненні да рэлігійных дзеячаў і абаронцаў свабоды веравызнання.

Аналітычны матэрыял IDSMBEE:
https://idsmbee.org

У падрыхтаваных рэкамендацыях прапануецца ўзмацніць сістэмны маніторынг свабоды рэлігіі і перакананняў у Беларусі, дамагацца празрыстасці рашэнняў аб рэгістрацыі і ліквідацыі рэлігійных арганізацый, а таксама надаваць больш увагі абароне рэлігійных супольнасцяў і вернікаў.

Відэа выступу Малгажаты Гасеўскай на слуханнях Еўрапейскага парламента:

The post У Еўрапарламенце заявілі пра рэпрэсіі супраць хрысціян усіх канфесій у Беларусі appeared first on Афіцыйны сайт Беларускай Хрысціянскай Дэмакратыі (БХД).

Паводле інфармацыі Праваабарончага цэнтра «Вясна», на дадзены момант няма дакладнай інфармацыі пра яго месцазнаходжанне і працэсуальны статус.

Беларуская хрысціянская дэмакратыя сочыць за развіццём сітуацыі і спадзяецца на хуткае з’яўленне інфармацыі пра лёс Алеся Масюка.

Крыніца: Праваабарончы цэнтр «Вясна»

The post Затрыманы сябра БХД Алесь Масюк appeared first on Афіцыйны сайт Беларускай Хрысціянскай Дэмакратыі (БХД).

Анатоль Міхнавец удзельнічаў у выбарах у Каардынацыйную раду ў 2026 годзе ў спісе блока «Воля».

Беларуская хрысціянская дэмакратыя падтрымлівала блок «Воля» падчас выбарчай кампаніі і разглядае абранне Анатоля Міхнаўца як важны вынік супольнай працы хрысціянскіх дэмакратаў і нашых партнёраў.

Мы жадаем Анатолю поспехаў, мудрасці і вытрымкі на адказнай пасадзе. Важна, каб ягоная праца ў кіраўніцтве Каардынацыйнай рады прынесла рэальныя вынікі для беларускай дэмакратычнай супольнасці, узмацніла прадстаўніцтва грамадзянскай супольнасці і стала прыкладам адказнага служэння Беларусі.

Беларуская хрысціянская дэмакратыя і надалей будзе працаваць дзеля свабоднай, дэмакратычнай і незалежнай Беларусі.

The post Хрысціянскі дэмакрат Анатоль Міхнавец абраны першым віцэ-спікерам Каардынацыйнай рады IV склікання appeared first on Афіцыйны сайт Беларускай Хрысціянскай Дэмакратыі (БХД).

Бел-чырвона-белы сцяг для беларусаў — гэта сімвал дзяржаўнасці, свабоды, годнасці і еўрапейскага выбару. Мы падтрымліваем гэтую ініцыятыву і заклікаем беларусаў, беларускія арганізацыі і ўсіх сяброў Беларусі падпісаць петыцыю і распаўсюдзіць яе.

Падпісаць петыцыю можна тут.

The post Беларуская хрысціянская дэмакратыя падтрымлівае петыцыю за ўсталяванне бел-чырвона-белага сцяга на Грунвальдскім полі appeared first on Афіцыйны сайт Беларускай Хрысціянскай Дэмакратыі (БХД).

Беларуская Хрысціянская Дэмакратыя заклікае беларусаў падтрымаць блок «Воля» на выбарах у Каардынацыйную раду Беларусі IV склікання, якія праходзяць 11–17 траўня 2026 года.

Мы перакананыя, што ў цяперашніх умовах беларускаму дэмакратычнаму руху патрэбныя не толькі дыскусіі і заявы, але перадусім адказнасць, адзінства, канкрэтныя дзеянні і гатоўнасць працаваць дзеля вызвалення Беларусі.

Блок «Воля» аб’ядноўвае людзей, якія разумеюць рэальную сітуацыю, у якой знаходзіцца беларускае грамадства: рэпрэсіі ўнутры краіны, вайна супраць Украіны, пагроза страты незалежнасці Беларусі, праблемы беларусаў у эміграцыі і неабходнасць захавання нацыянальнай суб’ектнасці.

Для Беларускай Хрысціянскай Дэмакратыі асабліва важна, што ў складзе блоку «Воля» балатуецца адзін з лідараў БХД Анатоль Міхнавец, а таксама некалькі іншых нашых паплечнікаў і прыхільнікаў. Гэта людзі, для якіх хрысціянскія каштоўнасці, беларуская нацыянальная ідэя, адказнасць перад народам і гатоўнасць служыць Беларусі з’яўляюцца не лозунгамі, а жыццёвай пазіцыяй.

Мы падтрымліваем удзел прадстаўнікоў БХД у блоку «Воля», бо бачым у гэтым магчымасць узмацніць у Каардынацыйнай радзе голас тых, хто выступае за:

палітычнае вызваленне Беларусі;

абарону незалежнасці і еўрапейскай будучыні нашай краіны;

падтрымку палітвязняў і іх сем’яў;

абарону правоў беларусаў у Беларусі і за мяжой;

працу ў прававым полі і ўмацаванне бяспекі дэмакратычных структур;

адзінства дзеянняў замест узаемных абвінавачанняў і бясконцых спрэчак.

Сёння беларусам патрэбная Каардынацыйная рада, якая будзе не месцам для ўнутраных канфліктаў, а пляцоўкай для рэальнай працы, палітычнай адказнасці і прадстаўніцтва інтарэсаў беларускага народа. Менавіта таму мы лічым важным падтрымаць тых, хто гатовы не толькі гаварыць пра змены, але і браць на сябе адказнасць за канкрэтныя крокі.

Беларуская Хрысціянская Дэмакратыя заклікае ўсіх беларусаў, якія маюць магчымасць бяспечна ўдзельнічаць у галасаванні, прыйсці на выбары ў Каардынацыйную раду і аддаць свой голас за блок «Воля».

Галасуйма за адказнасць, еднасць і дзеянне. Галасуйма за блок «Воля».

The post Беларуская Хрысціянская Дэмакратыя заклікае падтрымаць блок «Воля» на выбарах у Каардынацыйную раду Беларусі appeared first on Афіцыйны сайт Беларускай Хрысціянскай Дэмакратыі (БХД).