У Гродне сабралі больш за тысячу подпісаў супраць абавязковых банкаўскіх тэрміналаў для ІП (фота)
У Гродне працягваецца ініцыяваны Беларускай Хрысціянскай Дэмакратыяй збор подпісаў супраць рашэння ўладаў аб абавязковай усталёўцы банкаўскіх тэрміналаў для безнаяўных разлікаў у кожнай гандлёвай кропцы з 1 студзеня 2016 года.
“Гэта рашэнне вельмі балюча ўдарыць па індывідуальных прадпрымальніках”, – адзначыў Гродзенскі абласны каардынатар аргкамітэту БХД Мікола Баўсюк.
На сёння, паводле яго, сабрана ўжо больш 1000 подпісаў супраць абавязковай устаноўкі тэрміналаў.
З гэтай нагоды ў Гродне 5 лістапада таксама адбыўся круглы стол з удзелам мясцовых прадпрымальнікаў.
