Актывісты Сеньёрскай суполкі БХД Магілёва перадалі падарункі і сродкі гігіены дзецям з ДЦП (фота)
30 снежня актывісты Сеньёрскай суполкі Беларускай хрысціянскай дэмакратыі Магілёва наведалі з навагоднімі віншаваннямі дом дзіцяці для дзетак з ДЦП. Пад час наведвання выхаванцам падаравалі вопратку, звязаную і пашытую сваімі рукамі, цацкі.
Адміністрацыі таксама перадалі сродкі гігіены дзеля немаўлятак.
Таксама бакі дамовіліся аб наступным наведванні на сярэдзіну студзеня, да гэтага часу сябры Сеньёрскай суполкі зноў падрыхтуюць падарункі.
“Запрашаем усіх жадаючых далучацца да нашага праекту “Падзяліся цеплынёй душы”, – заклікаюць арганізатары.
