Алег Аксёнаў: прызначаных чыноўнікаў не цікавяць меркаванні народу

20.02.2017, 15:31  |  Навіны » Палітыка

Алег Аксёнаў: прызначаных чыноўнікаў не цікавяць меркаванні народу
18 лютага а 12:00 каардынатар аргкамітэту па стварэнні партыі “Беларуская хрысціянская дэмакратыя” ў Магілёве Алег Аксёнаў сустрэўся з старшынёй Магілёўскага гарвыканкама Уладзімірам Цумаравым.

“На пытанне аб адпаведнасці дэкрэта №3 Канстытуцыі, старшыня адказаў, што дэкрэт патрэбны, каб асвятляць вуліцы і рамантаваць дарогі. У памяшканні прысутнічалі каля дзясятку служак гарвыканкаму, адна жанчына ўвесь час перабівала , як толькі я спрабаваў адрэагаваць на адказ чыноўніка”, - адзначыў Алег Аксёнаў.

“Вынік гэтай сустрэчы - улады ўсіх узроўняў павінны абірацца, а не прызначацца. Прызначанага меркаванні народа нават не цікавяць. Жыхары горада разглядаюцца толькі як сродак дзеля здабычы грошай, пры гэтым ніхто не збіраецца распавядаць ім, куды ідуць гэтыя грошы”, - падкрэсліў каардынатар БХД.

Навіны па тэме