У Віцебску затрымалі Тацьцяну Севярынец

26 лютага 2017 15:24  |  Палітыка

У Віцебску затрымалі Тацьцяну Севярынец

Пасьля маршу “недармаедаў” у Віцебску затрымалі каардынатар Беларускай хрысьціянскай дэмакратыі ў горадзе і вобласьці Тацьцяну Севярынец.

“Цяпер яе вязуць у Кастрычніцкі РУУС, нічога не тлумачаць”, – паведаміў Свабодзе яе сын Павал Севярынец.

Як даведалася Свабода, міліцыянты затрымалі яе па дарозе дахаты, калі Тацьцяна Севярынец выходзіла з крамы. Яе толькі што прывезьлі ў Кастрычніцкі РАУС. Супрацоўнікі міліцыі кажуць, што затрымалі яе за ўдзел у несанкцыянаваным шэсьці.

З плошчы Перамогі, дзе пачалася ацыя пратэсту, да Плошчы Леніна, дзе яна завяршылася, агульным натоўпам прайшлі больш за тысячу чалавек.

Радыё Свабода

Болей навін