Апазіцыя перадала ўладам рэзалюцыю з патрабаваннем адмяніць дэкрэт “аб дармаедах”
Беларуская апазіцыя перадала ў чацвер у адміністрацыю прэзідэнта Беларусі рэзалюцыю з патрабаваннем адмяніць так званы дэкрэт “аб дармаедах”.
“Рэзалюцыя перададзеная і прынята ў адміністрацыі прэзідэнта”, – паведамілі агенцтву “Інтэрфакс-Захад” у прэс-службе незарэгістраванай партыі “Беларуская хрысціянская дэмакратыя” (БХД).
Рэзалюцыя была абвешчана і прынятая сераду ў Мінску падчас санкцыянаванага ўладамі “Марша недармаедаў”.
У ёй, у прыватнасці, заяўляецца, што дэкрэт N3 не адпавядае шэрагу артыкулаў Канстытуцыі і міжнародным абавязацельствам Беларусі.
Акрамя таго, у дакуменце ўтрымліваецца патрабаванне прыняць новы эканамічны курс, ліквідаваць заганы пенсійнай сістэмы, адмяніць кантрактную сістэму, унесці змены ў Выбарчы кодэкс, вызваліць з-пад адміністрацыйнага арышту ўсіх затрыманых удзельнікаў мірных пратэстаў супраць дэкрэта.
У выпадку адмовы ад выканання гэтых патрабаванняў, апазіцыя заявіла аб намеры правесці новыя акцыі пратэсту, і вылучыць на іх патрабаванні палітычнага характару.
