Маладыя Хрысціянскія Дэмакраты абвясцілі конкурс “Біблейскія каштоўнасці ў беларускай культуры”
8 красавіка
адбылася прэзентацыя і планаванне кампаніі МХД “500 год друкаванай беларускай
Бібліі і 100 год БХД”. У мерапрыемстве прынялі больш за 50 сябраў арганізацыі,
а таксама партнёры з Моладзі Хрысціянска-дэмакратычнай партыі Нарвегіі (KrFU).
З вітальным словам выступіў сустаршыня Партыі БХД Віталь Рымашэўскі.
Таксама Вольга
Севярынец прэзентавала кнігі па гісторыі БХД: “Беларуская хрысціянская
дэмакратыя” і “100 асобаў Беларускай хрысціянскай дэмакратыі”.
У рамках кампаніі
“500 год друкаванай беларускай Бібліі і 100 год БХД” быў запланаваны шэраг мерапрыемстваў
у Менску і рэгіёнах.
У прыватнасці,
МХД абвясцілі конкурс на тэму “Біблейскія каштоўнасці ў беларускай культуры”, у
межах якога прапануецца выказваць думкі і праекты аб тым, як праяўляюцца
Біблейскія каштоўнасці ў беларускай культуры. Аўтары лепшых прац прымуць удзел
у бясплатным квэсце па беларускай Вільні.
Эсэ, прэзентацыі, малюнкі, фота, відэа, інсталяцыі, якія б адлюстроўвалі тое,
як Біблейскія каштоўнасці праяўляюцца ў беларускай культуры, варта дасылаць на
адрас [email protected]да 19 траўня. Абавязкова
трэба прайсці рэгістрацыю https://goo.gl/forms/CS5yIAF4TmGd49xF2
Працы прымаюцца ад людзей ва ўзросце да 35 гадоў.
9 красавіка
нарвежскія калегі правялі семінар, у якім закранулі тэмы лідарства, Бібліі і хрысціянскай
дэмакратыі, гісторыі хрысціянскай дэмакратыі.
