Віншуем з днём народзінаў Дзяніса Садоўскага!

11.06.2017, 15:53  |  Навіны » БХД

Віншуем з днём народзінаў Дзяніса Садоўскага!

 

Віншуем з днём народзінаў Дзяніса Садоўскага – топ-мэнэджара БХД, шматгадовага адказнага сакратара Беларускай Хрысціянскай Дэмакратыі. Жадаем яму і яго сям’і Божага дабраславення, здароўя, моцнай веры, любові і свабоды для Беларусі.

Дзяніс Садоўскі нарадзіўся 11 чэрвеня 1983 ў Менску. Скончыў сярэднюю школу, быў фанатам футбольнага клуба "Дынама” (Менск). Ва ўзросце 18-і гадоў прыйшоў да Бога. У 2002 годзе атрымаў адукацыю эканаміста-маркетолага ў Менскім машынабудаўнічым каледжы, у 2006 – дыплом эканаміста ў Менскім інстытуце кіравання.

У 2001 годзе першы раз удзельнічаў у назіранні падчас выбарчай кампаніі. У 2005-м – далучыўся да аргкамітэту БХД. Займаўся арганізацыйнымі пытаннямі, рассылкай партыйных бюлетэняў, падрыхтоўкай сустрэчаў. З 2008 года – Адказны сакратар БХД, кіраўнік Управы Беларускай Хрысціянскай Дэмакратыі.

Арганізатар шэрагу мясцовых кампаній у Фрунзенскім раёне па добраўпарадкаванні раёна і паляпшэнні ўмоў жыцця ("За чыстую ваду”, "Паркоўкі”, "Капітальны рамонт” і іншыя). Быў адным з каардынатараў Кампаніі ў абарону права на свабоду сумлення (сакавіка 2007 - май 2008). У ходзе кампаніі больш за 50 тысяч чалавек падпісаліся за змены ў закон "Аб свабодзе сумлення", які парушае правы хрысціянаў Беларусі. Быў адным з каардынатараў кампаніі «Народны кантроль», якая праводзілася БХД па ўсёй краіне.

Кандыдат у дэпутаты мясцовых саветаў у 2007 і 2010 гадах, кандыдат у дэпутаты на "парламенцкіх выбарах” у 2008 годзе і кіраўнік штаба кампаніі байкоту на "парламенцкіх выбарах” 2012. Намеснік кіраўніка штаба Віталя Рымашэўскага на прэзідэнцкай кампаніі 2010. Адзін са стваральнікаў і кіраўнікоў кампаніі назірання «Права выбару” ў 2014, 2015, 2016 гадах.

Хрысціянін, чалец евангельскай царквы "Ян Прадвесьнік”. Жанаты. Трое дзяцей.

Навіны па тэме