У Лагойскім раёне сябры БХД ушанавалі памяць ахвяр таталітарызму (фота)
У Мінскай гарадской суполкі БХД стала традыцыяй клапаціцца пра месцы вечнага спачыну мірных жыхароў Беларусі – ахвяраў нацызму і сталінізму. Вось і зараз адбыўся выезд у вёску Харужанцы Лагойскага раёна.
Вясной 1943-га года падчас карнай аперацыі там было знішчана некалькі сем’яў, у іх ліку – гадавалыя дзеці. Месца гібелі, куды сагналі няшчасных, увекавечана гранітным абеліскам. Сіламі нашых актывістаў помнік падноўлены. Сама мясціна даглядаецца і абкошваецца дачнікамі, якія на дзедаўшчыне праводзяць летні адпачынак. Яны віталі ініцыятыву мінчукоў і дапамагалі ў працы.
