У Вільні прайшлі экскурсія і прэзентацыя да 100-годдзя БХД
9 снежня у Вільні прайшлі экскурсія і прэзентацыя кнігаў, прымеркаваныя да 100-годдзя Беларускай Хрысціянская Дэмакратыі.
У імпрэзах ўзялі ўдзел каля 40 сябраў ды прыхільнікаў БХД з Менску, Баранавічаў, Полацка, Віцебска, а таксама 15 беларусаў Вільні. Вёў экскурсію і прэзентацыю сустаршыня БХД Павел Севярынец.
Удзельнікі наведалі Вострую Браму, будынак БІГіК, дом колішняй Віленскай беларускай гімназіі, мемарыяльныя дошкі ў гонар Адама Станкевіча, Казіміра Сваяка, Францішка Скарыны, касцёл Святога Міхала, дзе служыў Адам Станкевіч, Катэдральную плошчу, дом Яна Пазьняка.
З 15.00 да 17.00 віленскага часу ў офісе літоўскай партыі “Саюз Айчыны – Літоўскія хрысціянскія дэмакраты” прайшла прэзентацыя кнігаў, прысвечаных 100-годдзю БХД, а таксама рамана Паўла Севярынца “Беларусалім”.
